Zum Seiteninhalt

graubündenE-MTB 2017 – 2020

Il svilup tecnic dal velo cun in'assistenza dal pedal tras in motor electric ha chaschunà ils ultims onns in augment enorm da la quota da tals velos electrics cumpareglià cun il dumber dals velos vendids. La "electrificaziun" da quest vehichel ch'è vegnì inventà avant 200 onns permetta – ultra dals amaturs da velo vertents – ad in nov segment da giasts pli giuvens e pli vegls in access main stentus a las bellezzas dal Grischun. Il e-velo resp. il E-MTB, schebain ch'el ha tenor il dretg da vias il medem status sco in velo da muntogna, fa pretensiuns spezialas a l'infrastructura ed er a la concepziun da las purschidas.

La regenza ha approvà il project "grischunE-MTB" en il rom da la nova politica regiunala ils 30 da matg 2017 ed incumbensà l'uffizi da construcziun bassa dal Grischun sco post spezialisà per il traffic betg motorisà da realisar quel. Il project è vegnì lantschà il zercladur 2017 cun in sustegn extern e dura probablamain fin mez da l'onn 2020. La realisaziun sa basa fermamain sin la lavur da svilup e sin la basa dal project precursur grischunBIKE dals onns 2010 – 2015, ch'è stà curunà da success. Previsas èn 13 mesiras che duain vegnir realisadas en collavuraziun cun ils furniturs da prestaziuns turisticas e cun l'interessenza d'ambient.

Infurmaziuns detagliadas davart il project èn da chattar en l'infurmaziun dal UCB Neue Chancen dank dem E-Mountainbike