Zum Seiteninhalt

Incumbensas

Organigram Cumpetenzas

 

 

  • Coordinar la planisaziun, la construcziun e la signalisaziun da stabiliments dal traffic betg motorisà ch'èn d'in interess chantunal.
  • Determinar la rait da vias dal traffic betg motorisà cun integrar las vischnancas e las regiuns.
  • Tractar dumondas da contribuziun.
  • Defender ils interess dal traffic betg motorisà en cas da conflicts cun autras infrastructuras.
  • Survegliar e coordinar l'elavuraziun dals plans da l'inventari davart la rait da las sendas da viandar, sco er lur actualisaziun.

 

En spezial en il sectur da las vias e sendas da viandar:

  • Exequir e realisar la legislaziun federala resp. chantunala davart las vias e sendas da viandar.
  • Survegliar tut ils fatgs da las vias e sendas da viandar dal chantun Grischun.
  • Coordinar las activitads da las regiuns, da las vischnancas, dals uffizis e da las organisaziuns privatas spezialisadas sin il champ da las vias e sendas da viandar.

 

Per tgirar la rait da vias e sendas da viandar che ha ina lunghezza da circa 11'000 km ha il chantun concludì ina incarica da prestaziun cun la cuminanza grischuna per sendas CGS. Uschia è la cuminanza grischuna per sendas CGS responsabla en spezial per:

  • sustegnair las regiuns e las vischnancas tar la planisaziun, tar la realisaziun e tar il mantegniment da las vias e sendas da viandar, dond cussegliaziun professiunala e procurond las infurmaziuns da basa,
  • coordinar ils differents projects da vias e sendas da viandar.