Zum Seiteninhalt

La protecziun cunter auazuns a Samedan

Patruna da fabrica: Vischnanca Samedan
 
Realisaziun: 2002 – 2005
 
Custs totals: 29.6 milliuns francs
 
Descripziun dal project:
 
L’inundaziun regulara dal funs da la val a Samedan ha gì per consequenza ch’il svilup da la vischnanca era limità sin l’ur al nord. Suenter las grondas auazuns dal 1951 e dal 1954 èn ils rempars dal 19avel tschientaner vegnids auzads ed il Flaz e l’En èn vegnids sfurzads ensemen en in unic chanal. Tar la proxima gronda auazun en fanadur dal 1987 fiss la vischnanca da Samedan per pauc daventada l’unfrenda d’ina inundaziun devastanta. Cumbain ch’i n’era betg in onn da record areguard las quantitads d’aua, han mancà mo 20 cm fin ch’ils rempars fissan stads emplenids.
 
Perquai han ins analisà la situaziun da privel cun las metodas da calculaziun las pli modernas. Tenor ils resultats è la regenza stada obliada dad ordinar mesiras da construcziun, da scumandar da fabritgar en tschertas zonas e dad incumbensar la vischnanca da chattar mesiras da protecziun adequatas enfin l’onn 2005. La vischnanca ha chattà soluziuns exemplaricas per questa incumbensa. Ella n’ha betg tschernì ina soluziun tecnica minimala, mabain ha acceptà custs supplementars per ina protecziun cunter auazuns moderna e durabla. Il Flaz è vegnì transferì davent dal terren surfabritgà sin ina lunghezza da 4 km ed ils curs da l’En existent è vegnì renaturà. Grazia al niz supplementar (segirezza, qualitad da viver e natura intacta) èn ils custs supplementars in chapital bain investi.
 
Ulteriuras infurmaziuns: