Zum Seiteninhalt

Projects per la correcziun dals curs d'aua 2020 fin 2023

En il rom da la nova concepziun da la gulivaziun da finanzas e da la repartiziun da las incumbensas tranter la confederaziun ed il chantun (NGF) è vegnì reglà da nov il subvenziunament da projects per la correcziun dals curs d'aua (ovras da protecziun cunter aua gronda). La confederaziun ed il chantun concludan mintgamai per ina durada da 4 onns programs, per ils quals las subvenziuns presumtivas vegnan fixadas sco contribuziuns globalas. La terza perioda da program currenta ha cumenzà il principi da l'onn 2016 e dura anc fin la fin da l'onn 2019. La quarta perioda (2020 fin 2023) è actualmain en planisaziun.

Per pudair far ina prognosa davart il basegn finanzial per la correcziun dals curs d'aua durant ils proxims onns, duvrain nus Voss agid. Nus vulessan vegnir a savair, tge projects currents e tge projects novs per la correcziun dals curs d'aua che vegnan probablamain realisads e quintads giu en Vossa vischnanca durant la proxima perioda da program da la NGF dal 2020 fin il 2023. En quest connex ans interessan dentant mo quels projects, per ils quals pon vegnir dumandadas subvenziuns per la correcziun dals curs d'aua. Latiers tutgan projects da construcziun novs, grondas reparaziuns da stabiliments existents (che augmentan lur valur) sco er construcziuns cumpensatoricas per objects destruids u donnegiads. Percunter na survegnan lavurs permanentas dal mantegniment (che mantegnan la valur sco p.ex. reparaturas, la tgira da la vegetaziun, rumidas da laina da grava, allontanament da deposits da gera) da princip naginas contribuziuns.

Nus As supplitgain perquai gentilmain d'emplenir la tabella agiuntada fin ils 5 da december 2018 e da la trametter a:

Uffizi da construcziun bassa dal Grischun
Marcel Roth, Schef da la Correcziun dals curs d'aua
Grabenstrasse 30
7001 Cuira

081 257 3848
marcel.roth@tba.gr.ch