Zum Seiteninhalt

Servetschs

L'uffizi d'informatica è il gestiunari d'informatica central sco er l'instanza centrala per l'acquisiziun da meds e da servetschs d'informatica per l'administraziun chantunala. Las prestaziuns pon er vegnir purschidas a las vischnancas ed a posts che stattan en ina stretga relaziun cun l'administraziun sco er a terzas persunas. Qua sutvart vegnan menziunads ils servetschs ils pli impurtants.

L'uffizi d'informatica:

  • planisescha e dirigia l'applicaziun da l'informatica;
  • maina projects interdisciplinars;
  • planisescha e coordinescha mesiras da segirezza da l'informatica;
  • sustegna ils posts da servetsch tar la budgetaziun e tar l'acquisiziun da meds e da servetschs d'informatica;
  • assista ils posts da servetsch tar l'evaluaziun, tar l'acquisiziun (submissiun) e tar la realisaziun da projects d'informatica;
  • furnescha il support da client per blers posts da servetsch;
  • administrescha differentas plattafurmas d'informatica;
  • administrescha ina rait per la communicaziun da datas e da lingua;
  • administrescha passadis centrals a l'internet ed ad autras raits estras;
  • administrescha ils locals dals centers da calculaziun cun las infrastructuras correspundentas;
  • stampa e pachetescha spediziuns en massa;
  • tgira applicaziuns da standard definidas e gida la clientella a duvrar las applicaziuns da standard;
  • tgira las plattafurmas d'internet, d'intranet e d'extranet e gida la clientella a duvrar las plattafurmas;
  • sviluppa extraordinariamain software per il diever persunal da l'administraziun chantunala, sch'i na po betg vegnir applitgada ina soluziun da standard adattada.