Cuntegn da la pagina

Dissegnader/-dra AFQ (construcziun d’inschigneria)

-

 

Champ d'incumbensas

Durant tes emprendissadi lavuras ti tar l'uffizi da construcziun bassa en la partiziun "construcziuns artifizialas" (1., 2. e 4. onn d'emprendissadi). Il champ da lavur "construcziun da vias" (3. onn d'emprendissadi) emprendas ti en in manaschi extern.

Deine Stärken sind:

  • abilitad exprimida da s'imaginar objects en moda tridimensiunala
  • pensar abstract-logic
  • chapientscha per connexs cumplexs
  • far a maun dissegns e skizzas
  • interess da reglas e da connexs matematics e da las scienzas natiralas
  • plaschair da lavurar cun computers
  • moda da lavurar exacta e conscienziusa
  • talent organisatoric
  • abilitad da lavurar en in team
  • plaschair dal contact cun umans e dun da contractar

 

Accents da la scolaziun

Ti dissegnas plans, skizzas e models per projects da construcziun. Cun programs da CAD (computer-aided design) u a maun fas ti dissegns tecnics, preschentaziuns perspectivicas, vistas tridimensiunalas e models confurms a la scala. Ti sustegnas las persunas spezialisadas sin tut ils stgalims dal project. Ti enconuschas tschertas leschas da las scienzas natiralas sco er las qualitads chemicas e fisicas da materials da construcziun. La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.

 

Scolaziun

Durada: 4 onns
Scola:

1. onn d'emprendissadi: 2 dis per emna scola professiunala
suenter 1 – 1 1/2 dis per emna
En cas da fitg bunas prestaziuns en scola po vegnir frequentada la scolaziun da maturitad professiunala en moda cumplementara a l'emprendissadi.
4 curs intermanaschials

Finiziun: attestat federal da qualificaziun "dissegnadra/dissegnader AFQ"

 

Pretensiun

  • scola populara terminada
  • bunas prestaziuns en matematica, en geometria, en dissegn tecnic ed en linguas

 

Pussaivladads d'absolver furmaziuns supplementaras suenter l'emprendissadi

La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:

  • curs da federaziuns professiunalas, da scolas spezialisadas superiuras e da scolas autas spezialisadas
  • cun certificat professiunal federal: p.ex. biologa/biolog da construcziun, manadra/manader da construcziun da mirs exteriurs, planisadra/planisader da glisch, spezialista/spezialist da la protecziun cunter incendis 
  • cun diplom federal: p.ex. biologa/biolog da construcziun, manadra/manader da construcziun auta, manadra/manader da construcziun bassa, experta/expert da la protecziun cunter incendis
  • tecnicista/tecnicist SSS planisaziun da construcziun dipl. u tecnicista/tecnicist SSS surveglianza da construcziun dipl.
  • bachelor of science (SAS) en fatgs d'inschigneria da construcziun, bachelor of arts (SAS) en architectura, bachelor of science (SAS) en architectura da cuntradas, bachelor of science (SAS) en planisaziun dal territori, bachelor of arts (SAS) en architectura d'interiurs