Cuntegn da la pagina

Laborant/-a AFQ

-

 

Champ d'incumbensas

Ti lavuras en l'uffizi per la segirezza da victualias e per la sanadad d'animals. Durant tes emprendissadi da 3 onns vegns ti a passentar supplementarmain trais giadas 3 mais en in grond labor d'emprendissadi extern e scolada/scolà là. L'ulteriur temp da tes emprendissadi roteschas ti en ils differents labors da l'uffizi.

 

 

Tias fermezzas èn:

  • interess da perscrutar e d'experimentar
  • bun dun d'observar
  • abilitad da pensar en moda cumbinatorica
  • buna motorica fina
  • moda da lavurar precisa ed exacta
  • blera pazienza e perseveranza
  • gronda fidadadad
  • interess d'ir enturn cun apparats electronics e cun apparaturas cumplexas
  • buna sanadad e naginas allergias
  • abilitad da lavurar en in team
  • interess da perscrutar fatgs e proceduras
  • nagin disturbi da vesair colurs (tut tenor il sectur professiunal)

 

Accents da la scolaziun

Ti lavuras cun chemicalias, cun utensils, cun apparats da mesiraziun e cun differentas apparaturas. Ti planiseschas e fas experiments, surveglias lur process e fas evaluaziuns. Ti sas far sezza/sez simplas sintesas, inclusiv il nettegiament sco er la destillaziun. Ti enconuschas differentas metodas analiticas ed applitgeschas quellas en la lavur pratica. La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.

 

Scolaziun  

Durada: 3 onns
Scola:

1 1/2 dis per emna scola professiunala
differents curs intermanaschials

Finiziun: attestat federal da qualificaziun "laboranta/laborant AFQ"

 

Pretensiun

  • scola populara terminada
  • bunas prestaziuns en biologia, en chemia, en fisica, en matematica ed en englais

 

Pussaivladads d'absolver furmaziuns supplementaras suenter l'emprendissadi

La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:

  • curs da firmas e da federaziuns professiunalas sco er da l'associaziun per la furmaziun supplementara da las professiuns da labor
  • tecnicista/tecnicist da labor en scienzas natiralas cun diplom federal
  • analiticra biomedicinala/analiticher biomedicinal SSS dipl., tecnicista/tecnicist da textil SSS dipl., tecnicista/tecnicist SSS tecnica da sistem dipl.
  • bachelor of science (SAS) en chemia, bachelor of science (SAS) en biotecnologia, bachelor of science (SAS) en life science technologies cun approfundaziun en molecular life science u en life science technologies