Practicist/-a d'economia da chasa AFP
Champ d'incumbensas
Ti lavuras al Plantahof a Landquart durant tes temp d'emprendissadi.
Tias fermezzas èn:
- mauns inschignaivels
- senn per urden e per schubradad
- buna sanadad
- abilitad da supportar squitsch
- fidadadad
- moda curtaschaivla en il contact cun umans
- buna chapientscha dal tudestg svizzer
Accents da la scolaziun
Sco practicista/practicist d'economia da chasa nettegias ti biros, chombras e locals generals, ti gidas en il sectur dal service e dals giasts e tar lavurs administrativas. Ti has bunas enconuschientschas dal nutriment e da l'alimentaziun sco er dal tractament da la laschiva. La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.
Scolaziun
| Durada: |
2 onns |
| Scola: |
1 di per emna scola professiunala
4 dis per onn d'emprendissadi curs intermanaschials
|
| Finiziun: |
attest federal da furmaziun professiunala "practicista/practicist d'economia da chasa AFP" |
Pretensiun
Pussaivladads d'absolver furmaziuns supplementaras suenter l'emprendissadi
La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:
- curs da scolas professiunalas spezialisadas e da federaziuns professiunalas
- curs da scolas spezialisadas e da scolas professiunalas spezialisadas sco er da las OdML economia da chasa
- Practicistas/practicists d'economia da chasa AFP pon far ina furmaziun da basa scursanida sco spezialista/spezialist d'economia da chasa AFQ (entrada en il 2. onn da la furmaziun da basa).
Suenter pon vegnir fatgas las medemas furmaziuns supplementaras sco per spezialistas/spezialists d'economia da chasa AFQ.