Cuntegn da la pagina

Creatur/-a da vestgadira AFQ (vestgadira da dunnas)

-

 

Champ d'incumbensas
Ti lavuras en l'atelier d'emprendissadi per la creaziun da vestgadira a Cuira. Questa professiun dal sectur terziar pretenda – ultra d'abilitads creativas – ina gronda flexibilitad, perseveranza e plaschair da la moda sco er in grond senn da responsabladad.

 

Tias fermezzas èn:

  • sensori per la moda
  • interess per materialias ed in bun sentiment per material
  • senn per furmas e per colurs
  • plaschair dal dissegnar/crear
  • buna imaginaziun e mesira ad egl
  • mauns inschignaivels
  • moda da lavurar exacta
  • perseveranza
  • plaschair dal contact cun umans
  • cumportament tenor ils basegns da la clientella

 

Accents da la scolaziun

Ti fas il model da tagl (per part cun il computer), calculeschas il basegn da taila e taglias la taila, cusas a maun u cun la maschina da cuser. Ti lavuras cun differentas tailas sco saida fina, surcusidas e retgams prezius, materials da high-tech sco er tailas da mantel robustas e fas – da la rassa al vestgì da saira – tut sin mesira. La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.

Scolaziun

Durada: 3 onns
Scola:

1. e 3. onn d'emprendissadi 1 di per emna
2. onn d'emprendissadi 1 1/2 dis per emna (scola professiunala per moda e creaziun a Turitg)
En cas da fitg bunas prestaziuns en scola po vegnir frequentada la scolaziun da maturitad professiunala en moda cumplementara a

 Finiziun: attestat federal da qualificaziun "creatura/creatur da vestgadira AFQ"

Pretensiun

  • scola populara terminada
  • almain 3 dis da fufragnar en l'atelier d'emprendissadi
  • test da qualificaziun reussì (1 di)

 

Pussaivladads d'absolver furmaziuns supplementaras suenter l'emprendissadi

La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:

  • curs da la scola spezialisada svizra da textilias STF e da l'uniun svizra dals mastergns da la moda USMM
  • scolaziun d'in onn en la scola spezialisada svizra per moda e concepziun modeco
  • creatura/creatur da vestgadira cun certificat professiunal federal, fashion-spezialista/fashion-spezialist cun certificat professiunal federal
  • creatura/creatur da vestgadira dipl., designra/designer da fashion dipl.
  • creadra/creader SSS design da products dipl. (approfundaziun en design da moda), tecnicista/tecnicist da textil SSS dipl., interprendidra/interprendider da textil dipl. SSS
  • studis en secturs specifics parentads, p.ex. bachelor of arts (SAS) en design da products e design industrial u bachelor/master of arts (SAS) en conservaziun-restauraziun