Zum Seiteninhalt

Servetschs

L'uffizi da persunal dal Grischun sco uffizi interdisciplinar è responsabel per las fatschentas da persunal entaifer l'administraziun chantunala dal Grischun. Ils servetschs stattan er a disposiziun a las dretgiras chantunalas, a l'assicuranza d'edifizis dal Grischun, a l'institut d'assicuranza sociala sco er a la cassa da pensiun dal Grischun.

L'uffizi da persunal
◾ cusseglia e sustegna ils departaments ed ils posts da servetsch tar la realisaziun da la politica da persunal (art. 1 LP ed art. 1 OP)
◾ cusseglia e sustegna ils departaments ed ils posts da servetsch en lur fatgs da persunal e tar l'elavuraziun da fatschentas che concernan il persunal
◾ cusseglia las collavuraturas ed ils collavuraturs en coordinaziun cun ils posts da servetsch en cas da problems a la plazza da lavur (sch'ils problems paran da betg pudair vegnir schliads entaifer il post da servetsch) ed areguard las cundiziuns d'engaschament (p.ex. assicuranzas e.u.v.)
◾ propona e maina – resguardond las experientschas e las opiniuns dals posts da servetsch – sistems da persunal ed instruments per la direcziun dal persunal che vegnan applitgads en moda unitara ed introducescha ils sistems approvads en l'administraziun chantunala
◾ garantescha process da persunal effizients, en spezial process da recrutaziun e da selecziun sco er process da demissiun ch'èn coordinads cun ils departaments resp. cun ils posts da servetsch
◾ procura per in'administraziun effizienta da las datas persunalas e da las plazzas
◾ garantescha che las fatschentas da persunal e da salari vegnian elavuradas a temp, en moda raziunala e correcta e surveglia ils custs da persunal ch'ils posts da servetsch responseschan
◾ stgaffescha e porscha instruments interdisciplinars per il svilup dal persunal, ch'èn orientads als basegns
 
Las prestaziuns accessoricas èn resumadas ed explitgadas en la pa-info da l'administraziun chantunala. Il prospect stat a disposiziun per chargiar giu en furma electronica en las linguas chantunalas uffizialas rumantsch, tudestg e talian.