Procedura

Survista dals pass en la procedura per installar in implant da vent
Tut tenor la grondezza da l'implant na ston betg vegnir percurrids tut ils stgalims da planisaziun.

Stgalim da planisaziun		Basas necessarias		Proceder per interessents
Plan directiv chantunal				Identificaziun da lieus da staziunament potenzials: Utilisar il cataster dal vent sco instrument per localisar ils potenzials dal vent Resguardar ils territoris d'exclusiun ed ils princips dal plan directiv per evaluar da grop ils lieus da staziunament

Plan directiv regiunal		Preproject incl. giudicament da la rentabilitad da grop Examinaziun preliminara dals effects sin l'ambient incl. carnet d'obligaziuns (tenor OEE) Inscripziun en il plan directiv regiunal		Entrar en contact cun proprietaris dals bains immobigliars, vischnancas, regiuns, UEnTr, UST, UFAC, DDPS, organisaziuns per la protecziun da l'ambient, MeteoSvizra e.a. Plausibilisar pass per pass ils potenzials dal vent Scleriments da la realisabladad: Examinar la situaziun d'avertura (access a vias ed a la rait) sco er las premissas per il transport e la montascha Examinar approximativamain ils effects sin l'ambient. Far scleriments detagliads resp. studis preliminars en cas da conflicts considerabels cun ils interess da la natira e da la protecziun da la cuntrada, p.ex. protecziun d'utschels e d'utschels-mezmieur Examinar ulteriuras premissas da la planisaziun dal territori (distanzas, segirezza da sgol e.a.) Elavurar ed optimar il preproject Examinar la rentabilitad resguardond ils custs per l'avertura (colliaziun a la rait e vias) Infurmaziun da la publicitad

Planisaziun d'utilisaziun communala		Urden fundamental adattà (meds da planisaziun incl. rapport da planisaziun e da cooperaziun sco er eventualas permissiuns supplementaras che ston vegnir coordinadas) Rapport davart la cumpatibilitad ecologica (en cas d'ina obligaziun da far in'examinaziun ecologica) ed eventualas autras expertisas		Plausibilisar ulteriuramain ils potenzials dal vent. Spetgar ils resultats da las mesiraziuns a lunga durada Elavurar in project d'execuziun Sche necessari, far examinaziuns da detagl (expertisas independentas davart effects sin utschels/utschels-mezmieur e mesiras per schliar problems; expertisa da canera)

Permissiun da construcziun		Reglament da manaschi		Optimar vinavant il project d'execuziun, elavurar in concept da manaschi e da mantegniment detaglià Exequir ulteriuras lavurs sin basa da cundiziuns da manaschi (p.ex. monitoring)