Navigation

Inhaltsbereich

En la vischinanza dal runal da Lantsch hai dà il suentermezdi dals 4 d'avrigl in inscunter a curta distanza tranter dus lufs ed ina matta da 6 onns che gieva a spass cun ses chaun. Sco che la matta ha descrit, ha ella inscuntrà ils dus lufs en ina distanza da paucs meters. Tenor las infurmaziuns da la matta han ils lufs sgrignì si per il chaun. Sin quai è la matta currida cun il chaun en il vitg. Tras ils fastizs chattads e tras in'observaziun durant la notg suandanta ha la surveglianza da chatscha pudì confermar al lieu la preschientscha dals lufs. Curt avant aveva ina convischina observà, co ch'ils dus lufs chatschavan in chavriel en questa direcziun. Igl è l'emprim cas d'in inscunter a curta distanza da tal gener cun ils lufs che vivan en quest territori. L'Uffizi da chatscha e pestga vegn a persequitar intensivamain l'ulteriur svilup en chaussa.