Navigation

Inhaltsbereich

Schef
 

Cordial bainvegni sin la pagina d'internet dal DIEM

Charas visitadras, chars visitaders

I ma legra zunt fitg che Vus visitais la pagina d'internet dal Departament d'infrastructura, energia e mobilitad e che Vus vulais vegnir a savair dapli davart nossas lavurs.

Nossas incumbensas pertutgan ils secturs energia, forza idraulica, privels da la natira, traffic, vias, immobiglias, acquisiziuns publicas, guaud sco er chatscha e pestga.

Las finamiras centralas da nossa activitad èn che las infrastructuras per il traffic individual cun vehichels e cun velos e per il traffic public cun la viafier e cun il bus sajan equipadas confurm als basegns e ch'ellas vegnan mantegnidas; che las resursas aua, energia e lain vegnian duvradas en moda raziunala e persistenta; che las immobiglias da l'administraziun chantunala vegnian messas a disposiziun e manadas resguardond las pretensiuns da custs e da temp; ch'il guaud cun sias funcziuns multifaras (protecziun, utilisaziun, recreaziun) vegnia mantegnì sco part natirala da noss spazi da viver e porschia sco infrastructura biologica protecziun cunter privels da la natira; che las populaziuns da selvaschina vegnian tegnidas saunas e reguladas resp. che las populaziuns da peschs vegnian cultivadas persistentamain sin ina basa che garantescha in'existenza e che lur spazis da viver vegnian protegids e restabilids; ch'i existian cundiziuns generalas per il maun public per attribuir da maniera economicamain favuraivla lavurs e servetschs en ina concurrenza gista.

Nossas collavuraturas e noss collavuraturs As stattan gugent a disposiziun per dumondas e per ulteriuras infurmaziuns, e quai per telefon ubain en scrit.


Mario Cavigelli, cusseglier guvernativ
Schef dal Departament d'infrastructura, energia e mobilitad