Navigation

Inhaltsbereich

Renovaziun dal center da dietas Plantahof a Landquart

Test

L'infrastructura moderna ha ina gronda impurtanza per l'agricultura en il Grischun. Durant ils ultims 3 onns è l'edifizi dal center da dietas, che consista da la sala, da la cuschina e da l'alloschi, vegnì renovà en etappas. Cun ils novs edifizis cumpensatorics han ins rinforzà l'effect dal cumplex sco ensemble e mess a disposiziun al Plantahof ina infrastructura progressiva ch'ins po utilisar en moda flexibla. 


Tratg a niz la schanza
Suenter in'utilisaziun da passa 40 onns era il basegn da reparaziun dal center da dietas cun la sala, la cuschina e l'alloschi zunt grond. Ultra da quai na correspundevan ils edifizis betg pli a las prescripziuns ed als standards che valan per ils differents secturs. Cun ils novs edifizis vegnan ademplidas las pretensiuns e las prescripziuns legalas areguard la tecnologia energetica, ecologica e da segirezza sco er areguard ils basegns da las persunas cun impediments. Per il project è stada centrala la confruntaziun cun il lieu e cun ils edifizis existents. A chaschun da la renovaziun avain nus tratg a niz la schanza da sclerir e da meglierar la situaziun architectonica dal Plantahof, ch'era sa sviluppada dapi blers onns. Cun ordinar sistematicamain ils edifizis han las differentas utilisaziuns pudì vegnir separadas cleramain – uschia èn resultads locals flexibels che pon vegnir duvrads en moda multifara er en il futur. Grazia al project ha il Plantahof ussa in'apparientscha moderna cun ina clera situaziun d'access.

Per gronda part interpresas regiunalas
Planisà e realisà il project han il team da planisaziun Nickisch Walder architects da Flem sco er Planalytik ScRL da Flums. Per exequir las lavurs da construcziun èn vegnidas incumbensadas per gronda part interpresas regiunalas. Ils custs per l'entir project sa movan en il rom dal credit da 24,5 milliuns francs. Quest credit avevan las votantas ed ils votants grischuns approvà en la votaziun dals 9 da favrer 2020.
 

Documentaziun da construcziun
 Documentaziun da construcziun sco PDF

 
Fotografias: Ingo Rasp Photography, Cuira

Datas da construcziun

Etappa 1 – Alloschi Cumenzament da las lavurs: Favrer 2022, retratga: Mars 2023
Etappa 2 – Demoliziun dal convict e realisaziun da l'edifizi da cuschina Cumenzament da las lavurs: Avrigl/matg 2023, retratga: Avrigl 2024
Etappa 3 – Sala & corridor da colliaziun incl. conturns Cumenzament da las lavurs: Mars 2024, retratga: Mars 2025

Surfatschas d'auzada e volumen tenor SIA 416

Alloschi   2700 m2 / 8370 m3  
Edifizi da cuschina 1600 m2 / 5660 m3
Sala e cafetaria
   840 m2 / 5130 m3

Custs d'investiziun/valurs nominalas

Rendaquint da construcziun PCC 1-9 24,2 miu. fr.  
PCC 1-9 fr./m3 1263
PCC 2 fr./m3   813