Navigation

Inhaltsbereich

Tenor l'art. 58 da la lescha davart las vias e tenor l'art. 31 da l'ordinaziun davart las vias po il chantun pajar las suandantas contribuziuns als custs da projectaziun, d'acquist da terren e da construcziun da novas vias da velo e da sendas da viandar che correspundan a las directivas chantunalas ed a las raits da vias, che han ina impurtanza chantunala e ch'èn vegnidas approvadas dal chantun:

  • 30 fin 50 pertschient per vias da velo dal traffic quotidian;
  • 10 fin 30 pertschient per vias da velo dal traffic da temp liber e turistic sco er per sendas da viandar;
  • 50 pertschient als custs imputabels per montar e per mantegnair la signalisaziun da stabiliments dal traffic betg motorisà (senza passapes) che correspundan a las directivas chantunalas ed a las raits da vias e ch'èn vegnidas approvadas dal chantun.

Sche l'interess dal chantun vi da la realisaziun d'in stabiliment predominescha, po la regenza augmentar adequatamain las contribuziuns.

Documents che ston vegnir inoltrads (mintgamai en trais exemplars)

Projects da vias:

  • rapport tecnic
  • preventiv
  • situaziun 1:500 inclusiv la signalisaziun e la marcaziun
  • profil da lunghezza
  • profils traversals tipics
  • acquist da terren
  • consentiment da las vischnancas territorialas

Projects da signalisaziun:

Vesair er Manual dal traffic betg motorisà 4.05 Surdada da contribuziuns als projects da signalisaziun