Zum Seiteninhalt

Burgaisas e burgais da la Croazia

Dapi il 1. da schaner 2017 pon burgaisas e burgais da la Croazia profitar da la libra circulaziun da persunas. Ma durant in temp transitoric fin ils 31 da december 2023 existan anc differentas restricziuns d'admissiun. D'ina vart vala ina contingentaziun per l'admissiun da lavurantas e lavurants da la Croazia, da l'autra vart vegnan las dumondas anc controlladas da l'uffizi chantunal per industria, mastergn e lavur en connex cun il martgà da lavur. Per questa controlla en connex cun il martgà da lavur vegn incassada ina taxa supplementara da 50.00 francs. La procedura d'annunzia n'è betg anc pussaivla per entrar en plazzas en Svizra; ina permissiun per in'activitad da gudogn è pia necessaria gia a partir da l'emprim di.

Areguard ils detagls renviain nus a la circulara dal secretariat da stadi per migraziun (SEM) (Deutsch)

En connex cun l'inoltraziun da la dumonda ston perquai vegnir observads ils suandants puncts:

  • Ensemen cun la dumonda sto adina er vegnir inoltrada ina copia dal contract da lavur.
  • Ina plazza dastga vegnir cumenzada pir suenter che la permissiun è emessa, perquai ch'ils contingents en l'entira Svizra èn fitg pitschens e perquai ch'i pon vegnir concedidas mo paucas permissiuns.
  • Sch'ina plazza vegn cumenzada senza permissiun, vegn quai per regla taxà sco lavur illegala e persequità penalmain.
  • Ina conferma davart l'annunzia da la plazza libra tar il center regiunal per intermediaziun da lavur (CIL) n'è betg necessaria.