Zum Seiteninhalt

Prolungaziun da la permissiun da dimora

Da princip pon vegnir fatgas dumondas da prolungar las permissiuns da dimora sur la controlla d'abitantas e d'abitants. Prolungaziuns da permissiuns èn dentant pussaivlas mo, sche la durada da la permissiun ch'è la basa da la categoria da permissiun respectiva n'è betg gia exaurida. Tar persunas cun activitad da gudogn sto la prolungaziun vegnir procurada tras la patruna u tras il patrun. Sche la conjugala estra u sch'il conjugal ester da la possessura u dal possessur da la permissiun ha medemamain in'activitad da gudogn, ston las dumondas da prolungaziun vegnir fatgas separadamain ina da l'autra. Dal rest po la patruna u il patrun da la persuna estra cun activitad da gudogn dumandar er la prolungaziun da las permissiuns da dimora da las ulteriuras confamigliaras e dals ulteriurs confamigliars. La dumonda sto vegnir fatga cun il formular "dumonda da permissiun per persunas UE/AECL (A1)" u "dumonda da permissiun per persunas estras (B1)", cun ina copia dal passaport e cun in contract da lavur actual tar la controlla d'abitantas e d'abitants.