Navigation

Inhaltsbereich

L'inoltraziun da dumonda resulta sur la controlla d'abitants cumpetenta da la vischnanca da domicil dal petent. Suenter l'elavuraziun da la dumonda tar l'Uffizi da migraziun e da dretg civil dal Grischun (UMDC) vegn il petent infurmà en scrit davart la cunvegna da termin per registrar las datas biometricas tras l’UMDC cun in AVIS. Il petent sto passar per la registraziun da biometria persunalmain tar il center da documents d'identitad a Cuira cumpetent ubain en il center da documents d'identitad regiunal a Zernez.

Ins po dumandar la nova legitimaziun d'esters sco fin qua en connex cun la prolungaziun da permissiun ubain cun la dumonda per in'emprima dimora. En quest connex ston ins dentant resguardar il suandant:

  • Ins sto exnum passar tar la vischnanca da domicil cumpetenta en il chantun Grischun cun preschentar il pass da la patria
  • La legitimaziun d'esters biometrica vegn creada en moda centrala d'ina terza firma
  • La consegna da las legitimaziuns resulta directamain per posta recumandada a la vischnanca da domicil
  • Las decleraziuns da scadenza (per permissiuns B e C) èn vegnidas cumplettadas cun la data da scadenza da las datas biometricas, il nr. da SIMIC ed il nr. da NAVS13.

Ulteriuras infurmaziuns survegnis Vus dal ressort d'entrada, numer da telefon: 081 257 25 25.