Navigation

Inhaltsbereich

Sin dumonda po la permissiun da domicil vegnir mantegnida. Per regla vegn sin ina dumonda motivada accordà il mantegniment da la permissiun da domicil tranter 1 e 2 onns. In mantegniment da la permissiun da domicil per quatter onns po mo vegnir accordà tar motivs impurtant, sco p.ex. per absolver il servetsch militar en il pajais d'origin, in studi resp. ina scolaziun u in perfecziunament ubain in engaschi a l'exteriur per incumbensa d'in patrun svizzer.

La dumonda correspundenta ston ins inoltrar avant la sortida. Na reentra la persuna alura fin la scadenza dal mantegniment concedì betg en Svizra, alura scada la permissiun da domicil tenor lescha.

La dumonda en scrit per in mantegniment sto vegnir inoltrada directamain tar l'Uffizi da migraziun e da dretg civil (UMDC) e sto cuntegnair las suandantas indicaziuns:

  • Il cumenzament dal mantegniment
  • La durada giavischada dal mantegniment
  • L'adressa da consegna/adressa da correspundenza en Svizra
  • Il motiv per il mantegniment cun l'agiunta da cumprovas (p.ex. la conferma d'immatriculaziun) tar motivs impurtants

I sto vegnir resguardà ch'i na po betg vegnì concedì ad uffants ch'èn obligads d'ir a scola in mantegniment da la permissiun da domicil.

Ulteriuras infurmaziuns survegnis Vus dal ressort da dimora, Numer da telefon: 081 257 25 28