Cuntegn da la pagina

Cumprova d'enconuschientschas linguisticas

Cun las pretaisas d'integraziun vegnan premessas a partir dal schaner 2019 – per intginas permissiuns – tschertas pretensiuns linguisticas en ina lingua uffiziala dal chantun Grischun. Questas pretensiuns linguisticas ston las persunas estras cumprovar a maun d'in certificat da lingua.Pertutgadas èn cunzunt la permissiun da domicil sco (Ausnahme: Staaten mit Anspruch aus Niederlassungsvereinbarungen (DE)) er la reuniun da la famiglia en cas da persunas da terzs stadis. Ils tests linguistics ston mintgamai vegnir agiuntads a la dumonda.

I vegnan fatgas las suandantas pretensiuns:

permissiun da domicil (PD) A 2 a bucca A 1 en scrit 
concessiun anticipada da la PD B 1 a bucca A 1 en scrit 
reuniun da la famiglia terzs stadis – terzs stadis A1 a bucca u annunzia per il curs

 

Ils attests linguistics pon vegnir acquistads en tut las trais linguas uffizialas dal chantun Grischun, independentamain dal lieu da domicil. Enconuschientschas linguisticas dal franzos u da l'englais na bastan betg. Infurmaziuns davart las pussaivladads per acquistar certificats da lingua chattais Vus tar il secretariat fide (https://www.fide-info.ch/) e sin la pagina d'internet dal post spezialisà per l'integraziun(https://www.gr.ch/RM/temas/Integraziun/dienstleistungen/documentaziun/Seiten/flyer.aspx).
Sche las persunas petentas han frequentà la scola obligatorica u ina scolaziun sin il stgalim secundar II u sin il stgalim terziar en ina lingua uffiziala, na ston ellas betg inoltrar in certificat da lingua. Vegnir inoltrads ston ils attestats ed ils diploms.