Cuntegn da la pagina

Entrada senza visum en ils Stadis unids

Dapi il 1. d'avrigl 2016 pon ins entrar senza visum en ils Stadis Unids mo pli cun in passaport biometric.
 
Tut las viagiaturas e tut ils viagiaturs che viageschan en il rom dal program Visa Waiver (dimora sco turistas e sco turists fin max. 90 dis) en ils Stadis unids, èn obligads da dumandar a partir dals 12 da schaner 2009 ina permissiun electronica da viagiar, avant ch'els ascendan in med da transport aviatic u maritim per cuntanscher ils Stadis unids.
 
As annunziai online sin la pagina d'internet da l'ESTA sut https://esta.cbp.dhs.gov/ empleni la dumonda per englais.

PDFUlteriuras infurmaziuns

   
Questas indicaziuns valan per persunas che pon profitar da l'entrada simplifitgada en ils Stadis unids en il rom dal program Visa Waiver (dimora sco viagianta u sco viagiant da vacanzas fin max. 90 dis). Ellas na valan dentant betg per studentas e per students u per collavuraturas e per collavuraturs da las medias ch'entran en ils Stadis unids per motivs da lavur. Infurmaziuns liantas davart las disposiziuns d'entrada dat l'ambassada dals Stadis unids a Berna.

Dapi il 1. da fanadur 2009 acceptan ils Stadis unids ils passaports provisorics senza chip da datas mo pli en cumbinaziun cun in visum. Quai vala er per il passaport svizzer provisoric actual.