Navigation

Inhaltsbereich

È il resultat da Voss test sin il coronavirus positiv?

  • As rendai en isolaziun e spetgai il telefon dal Care team COVID Grischun.
  • Ponderai, cun tge persunas che Vus avais gì in stretg contact fin 48 uras avant ch'ils sintoms han cumenzà tar Vus (resp. fin 48 uras avant la data dal test, sche Vus n'avevas nagins sintoms il mument dal test).
  • Infurmai las persunas, cun las qualas Vus avais gì in stretg contact, davart la malsogna. Las persunas da stretg contact sa rendan immediatamain en quarantina.
  • Persunas da contact (pli pauc che 1,5 meters durant dapli che 15 minutas senza protecziun adattada) vegnan contactadas entras la persuna d’index (persuna testada positiva) u il contact tracing chantunal. Ellas gidan essenzialmain da cumbatter la pandemia, sch’ellas infurmeschan tut lur contacts stretgs, en il cas ch’ellas èn vegnidas testadas positivas.

Restar en l'atgna stanza / l'atgna abitaziun durant 10 dis. Vus essas contagiusa u contagius. Sche Vus na restais betg en l'isolaziun, exponis Vus autras persunas al privel da s'infectar.

Cumond d'isolaziun dal UFSP Instrucziuns davart l'isolaziun (PDF, en tudestg)

Spetgais Vus anc il resultat dal test?

As rendai per plaschair en autoisolaziun (nagin contact cun autras persunas) fin ch'il resultat è avant maun. Nus As engraziain cordialmain per Vossa collavuraziun activa ed As giavischain bun meglierament!