Gugent As infurmain nus ch'i vegnan duvrads novs sets da test a partir da questa emna. Quai cunzunt per proteger las resursas: ils novs sets da test èn pli bunmartgads e cuntegnan main plastic che sto vegnir dismess.

En l'applicaziun dals sets da test datti mo pitschnas differenzas. Uschia sa chatta l'aua che serva per derschentar la bucca durant 60 secundas, en la bavrola da test – e betg pli en in recipient separà. L'aua – ch'è da nov salada – vegn pia svidada da la bavrola da test en bucca, e suenter avair derschentà la bucca puspè transferida enavos tras il dratguir en la medema bavrola che vegn lura serrada.

Observai per plaschair ch'er ils sets da test da fin ussa pon vegnir duvrads vinavant.