Infurmaziuns davart l’acziun da remplazzar ils tests PCR da spida
- Suenter l’acziun da retrair ils sets da testar ha noss furnitur Disposan purschì ina soluziun, per ch’il chantun Grischun possia cuntinuar cun ils tests senza gronds incaps: Ils sets da testar èn vegnids equipads cun in recipient d’aua separat emplenì cun aua da sgiargiattar sterila. Quests tests èn vegnids furnids a partir dals 9 da fanadur.
- Perquai ch’ils sets da testar èn vegnids modifitgads, avess l’uffizi da controlla da medicaments Swissmedic stuì dar l’autorisaziun. Il furnitur Disposan ha tralaschà da procurar a temp per l’autorisaziun. Tala n’è anc adina betg avant maun.
- Sin fundament da l’autorisaziun mancanta da Swissmedic ha il chantun Grischun immediat proclamà in stop da furniziun.
- A partir d’immediat metta il chantun a disposiziun ils sets da testar da l’emprima generaziun ch’èn autorisads da Swissmedic e dals quals il chantun Grischun dispona per fortuna anc en ses deposit. Ulteriurs da quests tests èn acquistads e vegnan furnids uschè ditg fin che la situaziun davart Swissmedic è sclerida.
- Nus As supplitgain da returnar ils tests en reserva (sche avant maun) a la staziun da returnar. Empustaziuns da novs tests per plaschair iniziar cun in mail a betriebstests@amz.gr.ch. Nus faschain tut il pussaivel per als furnir uschè svelt sco pussaivel.
- Testar resta impurtant, surtut en la situaziun actuala (augment da cas; persunas che returnan da las vacanzas).