Navigation

Inhaltsbereich

Pertge duai mia interpresa sa participar als tests en ils manaschis?

  • Quarantina:
    Interpresas che fan regularmain tests profitan da la deliberaziun da l'obligaziun da sa render en quarantina. Collavuraturas e collavuraturs pon lavurar vinavant malgrà in stretg contact cun ina persuna cun in test positiv.
  • Custs:
    Ils tests èn gratuits per ils manaschis.
  • Segirezza:
    Il testar repetidamain garantescha la segirezza da Vossas collavuraturas e Voss collavuraturs, da Vossa clientella sco er da Voss giasts.

Annunzia da manaschis

Grazia fitg per Voss interess per ils tests en ils manaschis dal Grischun. Resguardai per plaschair che mo manaschis cun sedia da la firma (sedia principala u filiala) en il Grischun pon sa participar.

Sur il link qua sutvart arrivais Vus a la plattafurma easytesting.ch, nua che Vus pudais annunziar Voss manaschi en moda lianta. Vus survegnis ina conferma cun infurmaziuns davart l'ulteriur proceder ed il code QR che Vossas collavuraturas e Voss collavuraturs dovran per far ils tests. Per Vossas collavuraturas e Voss collavuraturs è la participaziun en mintga cas facultativa. 

 

A l'annunzia sur easytesting.ch

 

Il chantun Grischun pussibilitescha certificats en il rom dals tests en ils manaschis

Tgi che sa participescha als tests en ils manaschis en il Grischun po dumandar a partir da mardi, ils 12 d'october 2021, in certificat dal test. Il test sto dentant esser negativ.

Las persunas che sa participeschan als tests en ils manaschis pon dumandar in certificat dal test sur la plattafurma existenta easytesting.ch, cur ch'ellas registreschan ina nova prova. Suenter l'analisa en il labor vegn tramess in SMS u in e-mail cun in link per chargiar giu il certificat ch'è valaivel 72 uras (a partir da la registraziun da la prova). Ils certificats da test èn per entant fin ils 30 da november 2021 gratuits.

Zoom-Meetings

Corona_ZoomMeetings
Datum / ZeitLink Zoom-MeetingID / Code
Donnerstag, 21.10.2021 
15:00 - 16:00​

Zoom-Meeting
Meeting-ID: 817 6916 5658
Kenncode: 717688​​