Navigation

Inhaltsbereich

San ins dar certificats da Covid per visitas da restaurants, events ed activitads da temp liber sin basa da tests en ils manaschis?

Las persunas che sa participeschan als tests en ils manaschis pon dumandar in certificat dal test sur la plattafurma existenta easytesting, cur ch'ellas registreschan ina nova prova. Suenter l'analisa en il labor vegn tramess in SMS u in e-mail cun in link per chargiar giu il certificat ch'è valaivel 72 uras (a partir da la registraziun da la prova). Ils certificats da test èn per entant fin ils 30 da november 2021 gratuits.

Cura dovri in certificat da Covid, cura tanscha la participaziun als tests en il manaschi?

Per l’utilisaziun da purschidas dal temp liber, occurrenzas e restaurants sco era parzialmain per viadis dovri in certificat. Sin basa dal program dLas persunas che sa participeschan als tests en ils manaschis pon dumandar in certificat dal test sur la plattafurma existenta easytesting, cur ch'ellas registreschan ina nova prova. Suenter l'analisa en il labor vegn tramess in SMS u in e-mail cun in link per chargiar giu il certificat ch'è valaivel 72 uras (a partir da la registraziun da la prova).

Per la cumprova entaifer il manaschi per il patrun tanscha en il Grischun la participaziun da collavuraturas e collavuraturs als tests en il manaschi.  

Tge interpresas pon sa participar?

Sa participar pon manaschis cun sedia da la firma (sedia principala u filiala) en il chantun Grischun.

Co pon las collavuraturas ed ils collavuraturs interessads sa registrar?

Mintga manaschi survegn suenter la registraziun in agen code QR. Collavuraturas e collavuraturs pon sa registrar cun agid dal code QR dal placat «SCAN ME». La registraziun vegn fatga sin ina plattafurma d'internet en conturns criptads.

Cura stoss jau ir en quarantina?

Persunas che prendan part als tests en il manaschi na ston betg ir en quarantina suenter in contact cun ina persuna infectada che na viva betg en il medem tegnairchasa, sch’ellas restan senza sintoms e sch’ellas sa laschan testar mintga di durant 7 dis da lavur, resp. sch’ellas san preschentar in resultat da test negativ. Durant quest temp ston ellas purtar ina mascrina tar contacts ed ellas na dastgan betg visitar lieus cun obligaziun da certificat.

Nagina quarantina da contact vala durant 12 mais per persunas vaccinadas e 6 mais per persunas guaridas, suenter in contact stretg cun ina persuna infectada. 

Pon ins obligar collavuraturas e collavuraturs da sa laschar testar?

Patruns da lavur dastgan pretender in certificat u la participaziun a tests repetitivs da lur collavuraturas e collavuraturs, sche quai serva a la determinaziun da mesiras da protecziun adequatas u a la realisaziun dal concept da tests. Il patrun da lavur ha da documentar en scrit, sch’el prevesa da prender mesiras da protecziun u mesiras a maun dal certificat da Covid.
Las collavuraturas ed ils collavuraturs ston vegnir consultads avant. L’interpresa sto pussibilitar ils tests a las collavuraturas ed als collavuraturs, q.v.d. porscher in access a tests regulars (per exempel en il rom dals tests en ils manaschis dal Grischun) u surpigliar ils custs dals tests.

Duai jau ma participar, sche jau hai gia COVID-19?

Spetgai l'emprim 6 mais, quintà a partir dal cumenzament da la malsogna, e cumenzai pir lura cun ils tests en ils manaschis.

Duai jau ma participar, sche jau sun gia vaccinada u vaccinà?

Persunas cumplainamain vaccinadas* cun sintoms duain en mintga cas sa laschar testar.
A persunas cumplainamain vaccinadas* senza sintoms na vegn betg recumandà da far part dals tests repetitivs (tests da manaschi u da scola).

*duas dosas da vaccinaziun u ina dosa da vaccinaziun suenter avair gì la malsogna COVID
 

Da tge tip da test sa tracti?

Per ils tests en ils manaschis vegnan fatgs tests da spida PCR. Quests tests èn simpels, svelts e nuncumplitgads – e pon vegnir fatgs a chasa.

Quant savens duain collavuraturas e collavuraturs sa laschar testar?

Per regla vegn recumandà in tests per persuna mintg’emna. Sche l’obligaziun d’assistenza al plaz da lavura pretenda quai, pon ins era laschar far tests pli savens.

Quant fidabel è il test da spida?

Il test da spida è in test PCR che vegn analisà en il labor. Il test è fitg fidabel.

Jau fatsch homeoffice e lavur da chasa anora. Duai jau tuttina ma participar?

Sche Vus lavurais unicamain da chasa anora, na stuais Vus betg As participar als tests en ils manaschis. Cumenzai cun ils tests en ils manaschis, cur che Vus giais puspè a lavurar en il manaschi.

Tge custa la participaziun?

La confedaraziun e Il chantun surpiglian tut ils custs. Ils tests en ils manaschis èn gratuits tant per las interpresas sco er per las collavuraturas ed ils collavuraturs.

Tge incumbensas ha ina interpresa participanta?

La finamira dal project è quella da testar regularmain uschè bleras persunas sco pussaivel en il chantun Grischun. Las interpresas participantas ston s'annunziar, infurmar lur persunal e motivar ina part uschè gronda sco pussaivel da sa participar (facultativ per collavuraturas e collavuraturs). Per la communicaziun interna metta il chantun a disposiziun meds auxiliars (fegls d'infurmaziun, placats, videos).

Sco emprim pass sa registrescha l'interpresa ed accepta las cundiziuns contractualas. A maun dal code QR generà pon las collavuraturas ed ils collavuraturs interessads alura sa registrar sez sur il telefonin.

Ils sets da test vegnan tramess per posta directamain a l'interpresa. Las provas vegnan rimnadas en il manaschi e purtadas mintga di (gli – ve) al center da rimnada.

I vegn recumandà da definir ina persuna u in post da coordinaziun per quest project entaifer il manaschi.

Tge fatsch jau, sch'i n'ha betg in code a travs sin la bavrola?

Giai per plaschair per ina nova bavrola.

Tge capita, sche jau manchent il termin d'in test?

Prendai suenter il test il pli svelt pussaivel.

Tge capita cun las datas ch'èn deponidas sin la plattafurma?

Durant ils tests en ils manaschis vegnan quellas duvradas per l'elavuraziun. Suenter ch'ils tests en ils manaschis èn terminads, vegnan ellas stizzadas. Legiai en quest connex per plaschair la decleraziun da consentiment e las disposiziuns davart la protecziun da datas sin la plattafurma.

Tge capita en cas d'in test negativ?

Las collavuraturas ed ils collavuraturs lavuran vinavant tut normal ed observan consequentamain las mesiras da protecziun e d'igiena vertentas. Ellas ed els survegnan automaticamain in avis electronic per far il proxim test.

Tge capita en cas d'in test positiv?

La collavuratura u il collavuratur sto ir immediatamain en autoisolaziun. In test posteriur n'è betg necessari. Il Care team COVID Grischun contactescha la persuna pertutgada e l'infurmescha davart l'ulteriur proceder.

Dastgan ins lavurar vinavant tut normal, entant ch'ins spetga il resultat dal test?

Gea – sche las mesiras da protecziun e d'igiena actualas vegnan observadas e premess che la persuna testada n'haja nagins sintoms da COVID.

Quant ditg vai, fin ch'il resultat dal test è avant maun?

Il resultat dal test è per regla avant maun entaifer 48 uras suenter ch'el è arrivà en il labor.