Navigation

Inhaltsbereich

La qualitad da l'aria en las stanzas da scola ha ina influenza sin il dumber d'infecziuns cun il coronavirus en scola. Quai vegn cumprovà per l'emprima giada tras in project da pilot ch'è vegnì realisà en 150 stanzas da scola da la scola populara.

Cura è dar aria raschunaivel?

Dar aria è adina raschunaivel sche la concentraziun da CO2 surpassa ina valur determinada.  Sco valur directiv è quai il cas mintga 20 minutas.
Igl è sa mussà che dar aria trais fin quatter minutas cun aria currenta curt ed intensiv mintga 20 minutas regulescha il meglier ed il pli spert la qualitad da l’aria senza far sbassar la temperatura interna per pli lung temp.

Con funcziuneschan ils apparats per mesirar CO2?

L’aria da l’ambient vegn sajettada d’in laser a l’intern da l’apparat da mesirar. Mo particlas da CO2 reageschan sin quest laser. Ellas chaschunan tras quai ina ramur betg udibla per l’ureglia umana, che vegn registrada d’in microfon spezial en l’apparat da mesirar. Dapli particlas da CO2 ch’èn avant maun en l’aria da l’ambient, tant pli ferm è il signal en l’apparat da mesirar. La fermezza dal signal vegn mesirada da l’apparat da mesirar CO2 e mussa la concentraziun da CO2 actuala en il local da maniera acustica u visuala tut tenor il model.

Co dattan ins aria da maniera correcta?

Igl è sa mussà che dar aria trais fin quatter minutas cun aria currenta curt ed intensiv mintga 20 minutas regulescha il meglier ed il pli spert la qualitad da l’aria senza far sbassar la temperatura interna per pli lung temp.

Èsi raschunaivel da dar aria era a chasa?

Igl è en mintga cas raschunaivel da dar regularmain aria en las localitads, era sche Vus essas sulet en il local. Quai optimescha il clima da l’aria en il local, sbassa la concentraziun da CO2 e la quantitad dad erosols e promova la capacitad da concentraziun.

Impedescha dar aria l’infecziun cun il Coronavirus?

Ch’ina infecziun po vegnir impedida en mintga cas, na sa betg vegnir confermà. Cun dar aria da maniera correcta e regulara po la ristga d’infecziun cun SARS-CoV-2 (ed auters virus) vegnir sbassada marcantamain.

Pertge vegnan utilisads apparats da mesirar CO2?

Tar l’infecziun cun SARS-CoV-2 han ersosols ina rolla centrala: Persunas ch’èn s’infectadas cun il nov Coronavirus, respiran ultra da CO2 era erosols che cuntegnan virus. Dapli erosols che circuleschan en in local, pli grond è il privel che autras persunas preschentas en il local s’infecteschan; oravant tut sch’ellas èn per in temp pli lung en il local. 

Tge èn erosols?

Erosols èn pitschnas particlas en l’aria da l’ambient, quai san per exempel esser odurs dentant era particlas senza odur sco virus e bacterias.

Pertge vegnan ils apparats da mesirar CO2 utilisads en scolas?

Infecziuns en scolas contribueschan a la situaziun actuala da Covid-19 en il chantun Grischun ed en Svizra. Perquai daventa il cumbat da la pandemia en las stanzas da scola in punct central. Per proteger scolaras e scolars, emprendistas ed emprendists, studentas e students e las persunas d’instrucziun dad ulteriuras infecziuns e per pudair mantegnair l’instrucziun da preschientscha, ston las infecziuns en las stanzas da scola vegnir reducidas. Dar regularmain aria en las stanzas da scola è perquai fitg impurtant era durant il mez onn d’enviern. Sco mesira immediata è ella realisabla a moda sperta e simpla.

Co han ins constatà la relaziun tranter CO2 en stanzas da scola ed infecziuns cun COVID?

Las mesiraziuns da la qualitad d’aria vegnan realisadas a partir da l’october 2021 en 150 stanzas da scola da 50 scolas primaras grischunas. Per mintga stanza han ins installà mintgamai dus sensurs da CO2: Ina emprima evaluaziun da datas registradas tranter il 1. ed ils 19 da november è ussa avant maun. Quella evaluaziun constatescha ina relaziun statistica tranter il dumber da cas d’infecziun dals tests en scola da mintg’emna tar las classas e la concentraziun da CO2 mesirada: en stanzas da scola nua ch’ins dat damain aria vegnan infectadas signifitgantamain dapli persunas cun SARS-CoV-2.