Navigation

Inhaltsbereich

Grazia per Voss interess per ils tests sistematics en las scolas dal chantun Grischun.

Cun l’annunzia da Vossa scola per ils tests en scolas dal chantun Grischun prestais Vus ina contribuziun da valur per la reducziun da la pandemia da COVID-19.

Zoom-Meetings

Data / UraLink Zoom-MeetingID / Code Identi

Qua As declerain nus gugent co ch’ils tests en scolas funcziunan en detagl.

Ston tuttas scolas sa participar als tests?

Na, mintga scola po decider sezza, sch’ella vul sa participar als tests u betg.

Ston tut las scolaras e tut ils scolars sa participar per che la scola possia far in tal test?

Na. Las persunas responsablas per l’educaziun decidan, sche lur uffant dastga vegnir testà.

Tge capita sche tschertas scolaras e scolars na vulan betg sa participar?

Sch’i dat in cas positiv en la classa, ston ils uffants che n’han betg fatg il test ir en quarantina. 

Tgi fa ils tests en scola?

La direcziun da la scola organisescha ils tests al lieu.

Quant savens e nua vegnan ils tests fatgs?

Ils tests vegnan fatgs ina giada per emna. En cas d’in resultat positiv en ina classa / en in gruppa da la scolina, datti in ulteriur test. La direcziun da la scola reglescha cun la persuna d’instrucziun correspundenta e cun la classa il proceder exact (termin dals tests singuls etc.).

Tge capita, sch’in uffant, ina persuna d’instrucziun u ina collavuratura/in collavuratur è absent(a) il di da test?

Quai n’ha nagina influenza directa sin la realisaziun dals tests en scola. Qua vala lura en in cas positiv la medema regulaziun sco per persunas che na sa laschan en general betg testar: L’uffant u la persuna d’instrucziun sto ir en quarantina, danor sche la persuna po organisar sin basa privata in test da PCR u test svelt d’antigens e mussar in resultat negativ.

Tge stoss jau far sco persuna d’instrucziun, sch’ina scolara/in scolar da mia classa è vegnì testà positiv?

Annunziai il resultat a la direcziun da la scola. Quella infurmescha en in tal cas las persunas participadas.

Suenter quantas uras/quants dis survegnan ins in resultat dal labor?

La direcziun da la scola vegn infurmada il proxim di davart il resultat.

Tgi è mia persuna da contact en cas da problems?

As drizzai en emprima lingia a la direcziun da Vossa scola.

Ulteriuras infurmaziuns: hotline dals tests preventivs dal chantun, scolatests@amz.gr.ch u tel. 081 257 44 40

Duai jau ma participar, sche jau hai gia COVID-19 / sche jau sun gia vaccinada u vaccinà

  • Persunas vaccinadas dublamain* e cun ina vaccinaziun da rinfrestgament (booster) senza sintoms: Nus recumandain da testar regularmain. Per plaschair sa restrenscher ad ina giada l’emna.
  • Persunas guaridas senza sintoms: 4 mais suenter la guariziun san ins cuntinuar cun testar.
  • Persunas quaridas/persunas vaccinadas dublamain* e cun ina vaccinaziun da rinfrestgament (booster) cun sintoms duain exnum sa laschar testar, dentant ordaifer ils tests en scolas/manaschis.

*duas dosas da vaccinaziun u ina dosa da vaccinaziun suenter avair gì la malsogna COVID

Sto in "rom da scola" supplementar vegnir introducì per far ils tests?

Na.