Navigaziun principala

Cuntegn da la pagina

Annunzia tar return da l’exteriur (Post d’annunzia)

This page in English

 

Persunas che viageschan d’in auter stadi u d’ina regiun cun grond ristg d’infecziun en noss pajais èn obligadas da sa metter immediatamain suenter l’arrivada en quarantina. I sa tracta qua d’ina obligaziun e betg d’ina recumandaziun!

La glista cun ils stadis u las regiuns danunder che las persunas vegnan che ston sa render obligatoricamain en quarantina sa chatta en l’annexa da l’ ordinaziun davart mesiras per cumbatter il coronavirus (Covid-19) en il champ dal traffic da persunas internaziunal e vegn cuntinuadamain actualisada.

Tgi che refusa la quarantina, commetta tenor art. 83 in surpassament da la lescha d’epidemias che vegn chastià (al. 1 lit. h) cun ina multa (maximalmain CHF 10’000), en cas da negligientscha cun ina multa fin a CHF 5’000.

Obligaziun d’annunzia

Tgi che viagescha en Svizra ed è suttamess ad ina obligaziun da quarantina, s’oblighescha da s’annunziar immediatamain tar las autoritads chantunalas responsablas.

 

Formular d’annunzia

 
 
 
  
 
 
 
  
Avais Vus in dals suandants sintoms?

Durada da la quarantina

Arrivond en Svizra sto la persuna pertutgada sa render immediatamain en quarantina. La quarantina dura 10 dis.

Cumportament durant la quarantina

Infurmaziuns da la Confederaziun tar il cumportament en la quarantina

Sche Vus avais durant la quarantina sintoms d’ina infecziun pussaivla cun COVID-19, cunzunt:

  • fevra, sentiment d’avair fevra
  • mal la gula
  • tuss (savens sitga)
  • difficultad da respirar
  • mal ils musculs
  • perdita andetga da l’abilitad da savurar e gustar

per part era:

  • inflammaziun da la congiuntiva dals egls
  • mal il chau
  • sintoms dal stumi e da la beglia

lura As annunziads immediatamain tar il post d’annunzia ch’è responsabel per ils viadis derivants da l’exteriur.

Infurmaziuns cuntinuantas

FAQ Confederaziun tar la quarantina en connex cun viadis en Svizra

Contacts

Infoline per persunas che viageschan en Svizra:

+41 58 464 44 88 (mintga di da las 6 fin a las 23 uras)

Contact post d’annunzia chantunal

telefon: 081 257 88 15

Uras d’avertura glindesdi fin sonda da las 8.00 fin a las 12.30 a 13.30 fin a las 17.00 uras.
Venderdi sontg e dumengia da Pasca: serrà / glindesdi da Pasca da las 10.00 fin las 17.00 uras.

Cas d’urgenza medicinals ordaifer las uras d’avertura

Telefonai per plaschair a Vossa media u a Voss medi da chasa, Vus pudais uschia eruir tge medi d’urgenza che ha servetsch.

En cas urgents contactai immediatamain la centrala d’alarm sanitar Grischun sut il numer 144.

Link tar ils numers regiunals dals medis da servetsch dal chantun Grischun

ListPropertyNotSet