Navigation

Inhaltsbereich

Tut las persunas che entran en il pajais – vaccinadas, guaridas u cun in test negativ – ston plinavant emplenir il formular d’entrada en il pajais (Passenger Locator Form, SwissPLF) Einreiseformular (admin.ch). Quai permetta als chantuns da realisar provas da controlla, schebain persunas betg vaccinadas u betg guaridas che èn entradas en il pajais cun in test han fatg in segund test suenter quatter enfin set dis.

Einreiseformular (admin.ch)

Nagina obligaziun da test e da formular per cunfinarias e cunfinaris

Exceptadas da l’obligaziun da test e da formular èn persunas che viagian tras la Svizra senza fermada, persunas che transportan professiunalmain rauba e persunas sco era cunfinarias e cunfinaris e persunas che entran en il pajais da las regiuns da cunfin. Cun quai tegna il Cussegl federal era quint dal stretg barat economic, social e cultural cun las regiuns da cunfin. Uffants e giuvenils pli giuvens che 16 onns na suttastattan betg a l’obligaziun da test.

Disposiziuns d’entrada en il pajais: accumodament al spazi da Schengen

Las disposiziuns d’entrada en vigur restan senza midadas. Il Secretariat da stadi per la migraziun maina vinavant ina glista dals pajais da ristg che definescha tgi che po entrar en Svizra. Tut ils stadis ordaifer il spazi da Schengen che n’èn betg sin questa glista, valan vinavant sco pajais da ristg. Per persunas betg vaccinadas da terz pajais che vulan entrar en Svizra da quels pajais valan restricziuns. Sco stadi associà a Schengen sa drizza la Svizra cun relaschar disposiziuns d’entrada en il pajais tant sco pussaivel a las decisiuns da la UE. Cun il Online-Tool “Travelcheck” pon ins verifitgar tge persunas che entran en Svizra da tge pajais e sut tge cundiziuns.