Navigaziun principala

Cuntegn da la pagina

Garanzias solidaricas per start-ups

La regenza ha decis da far part al program da la Confederaziun per sustegnair start-ups ch’èn en consequenza da las mesiras da cumbatter il coronavirus en situaziuns d’urgenza. Profitar pon start-ups grischuns activs en las domenas da la scienza e da la tecnologia ch’èn s’inscrits en il register da commerzi suenter l’emprim da schaner 2010, ma avant l’emprim da mars 2020.

La garanzia è limitada a maximalmain 1 milliun francs per start-up. La cumpart dal chantun cumpiglia 35 pertschient, fertant che la Confederaziun surprenda 65 pertschient. La restituziun dal credit ha da princip da succeder entaifer diesch onns. Per il chantun Grischun stat a disposiziun in volumen da garanzias da totalmain 3 milliuns francs.