Navigaziun principala

Cuntegn da la pagina

Infurmaziuns per l'economia, per ils patruns e per las interpresas pitschnas e mesaunas (IPM)

Contact chantunal per l'economia, per ils patruns e per las interpresas pitschnas e mesaunas:
Sche pussaivel As supplitgain nus d'inoltrar Vossa dumonda uschè detagliadamain sco pussaivel per e-mail.
E-mail    kfsinfo@amz.gr.ch

Temp da manaschi: glindesdi fin venderdi, 08.00 - 17.00

 

Roadshow da prevenziun da corona en in’egliada

Qua chattais Vus tut ils documents da la roadshow da prevenziun da corona per il turissem grischun; organisà da la Cuminanza d’interess turissem en il Grischun (ITGR) e da Gastro Grischun en collavuraziun cun l’uffizi da sanadad dal Grischun.

Sustegn per l'economia e per il turissem (Versiun dals 20-10-2020)

La Regenza grischuna vul sustegnair il meglier pussaivel l'economia ed il turissem en questa situaziun difficila. Per quest intent ha ella nominà ina task force cun represchentantas e represchentants dal Departament d'economia publica e fatgs socials, dal Departament da finanzas e vischnancas sco er da la Banca chantunala grischuna.

Las explicaziuns qua sutvart han la finamira d'infurmar l'economia, las patrunas ed ils patruns sco er las interpresas pitschnas e mesaunas (IPM) davart differents temas che resultan en connex cun il coronavirus.

La gronda part da las infurmaziuns èn gia avant maun, cunzunt tar la Confederaziun. Qua vegnan resumadas las infurmaziuns ch'èn relevantas per l'economia.

Nus ans stentain da mantegnair actualas las infurmaziuns publitgadas qua. Sin basa dals svilups permanents èsi pussaivel ch'ils updates vegnan fatgs cun retard.
Nus engraziain per Vossa chapientscha.

Ulteriuras infurmaziuns