Cuntegn da la pagina

Persunas spezialisadas

La Regenza ha concludì che tut las persunas che han emprendì ina professiun dal sectur da tgira, che na lavuran dentant betg en questa professiun emprendida e na fan betg part da la gruppa da ristga, stoppian s'annunziar.

Tenor la Lescha da sanadad dal chantun po il chantun obligar manaschis sco er persunas spezialisadas dal sectur da sanadad da cooperar tar la prevenziun e tar il cumbat cunter malsognas transmissiblas da l'uman. En la situaziun extraordinaria actuala vegni ad esser inevitabel che instituziuns da sanadad e da tgira vegnan a stuair dumagnar stretgas tar il persunal. En in'emprima fasa vegnan perquai registradas tut las persunas che vivan en il chantun Grischun e che han absolvì ina scolaziun en il sectur da tgira, che na lavuran dentant betg en lur professiun emprendida e na fan betg part da la gruppa da ristga. En ina fasa posteriura pudessan questas persunas spezialisadas vegnir obligadas ad in engaschament.

Tut las persunas che vivan en il chantun Grischun e che han in dals suandants diploms vegnan obligadas da s'annunziar:

  • spezialista/spezialist da sanadad (AFQ)
  • attest da qualificaziun en la tgira pratica da persunas malsaunas da la Crusch Cotschna Svizra
  • tgirunza diplomada ND I / tgirunz diplomà ND I
  • diplom: tgirunza/tgirunz TGM/TCM/UPP/TPsi
  • tgirunza/tgirunz da sanadad e da tgira da malsauns ND II
  • tgirunza diplomada SSS / tgirunz diplomà SSS
  • PHD Nursing Science
  • Master of Science in Nursing (MSN)
  • Master of Science en tgira (MScN) SAS
  • tgirunza/tgirunz SAS (Bachelor of Science in Nursing [BScN])

La Regenza engrazia da cor al persunal da tgira.

 

Indicaziuns davart la persuna
 
 
 
 
 
 
 
Gruppa da ristga *
Indicaziuns davart la scolaziun
 
Ultima activitad pratica en il sectur da sanadad
Ulteriuras abilitads/scolaziuns
Engaschament
 
 
Permiss da manischar avant maun
Vehichel avant maun
Consentiment*
 

 

* A gruppas da ristga concernent il coronavirus appartegnan:

  • Persunas a partir da 65 onns
  • Persunas che han cunzunt las suandantas malsognas:
  • pressiun dal sang auta
  • diabetes
  • malsognas dal cor e da la circulaziun
  • malsognas cronicas da la via respiratorica
  • cancer
  • malsognas e terapias che flaivlentan il sistem d'immunitad

 

** Jau ma sun conscienta u conscient che las datas persunalas da mia instituziun vegnan registradas per coordinar las purschidas d'agid che stattan en connex cun il coronavirus, ch'ellas vegnan communitgadas als partenaris da la protecziun da la populaziun u ch'ellas pon vegnir elavuradas autramain.
Las datas persunalas che vegnan inditgadas a chaschun da l'entrada en contact facultativa (e-mail, formular da contact), vegnan duvradas – sa basond sin l'art. 12 al. 1 lit. f e g da la Lescha davart la protecziun da la populaziun en il chantun Grischun (Lescha davart la protecziun da la populaziun, LPPC; DG 630.000) – dal Stab directiv chantunal per:
1. attribuir e manar ils agens meds d'agid e las atgnas forzas auxiliaras sco er ils meds d'agid e las forzas auxiliaras ch'èn vegnids offrids da partenaris da la protecziun da la populaziun e da terzas persunas al chantun, resguardond l'intensitad dal donn e la capacitad finanziala da las vischnancas pertutgadas
2. diriger e coordinar ils meds d'agid dals partenaris da la protecziun da la populaziun e da terzas persunas ch'èn vegnids offrids directamain a las vischnancas.
Las datas persunalas vegnan stizzadas il pli tard suenter la finiziun da la situaziun extraordinaria ch'exista pervia dal coronavirus. Ellas vegnan tramessas vinavant mo als suandants partenaris da la protecziun da la populaziun: al Stab directiv chantunal ed a l'Uffizi da sanadad. Las datas persunalas na vegnan betg dadas vinavant ad autras terzas persunas ed er betg duvradas per auters intents.
Dal rest renviain nus a l'impressum.