Ad uffants e giuvenils sut 16 onns na vegn recumandada nagina vaccinaziun l’atun 2022. Il risico per ina greva malsogna da Covid-19 tar uffants e giuvenils è fitg pitschen. Bunamain tuts han gia anticorpuls encunter il coronavirus, cun quai ch’els èn vaccinads e/u guarids da Covid-19.

Sch’ina vaccinaziun è giavischada, pon uffants e giuvenils betg vaccinads sa laschar vaccinar tenor las recumandaziuns d’enfin ussa.

Excepziun: ad uffants e giuvenils betg vaccinads da 5 fin 15 onns cun ina malsogna cronica vegn recumandada ina vaccinaziun cun ina dosa da vaccinaziun.