La vaccinaziun cunter corona è il med il pli effectiv per cumbatter il coronavirus. Ella reducescha il ristg da vegnir malsaun e da dar vinavant il coronavirus – uschia pon persunas spezialmain periclitadas vegnir protegidas. Pli bleras persunas ch’èn vaccinadas, pli pauc ch’il virus circulescha en la societad e pli paucas persunas che vegnan malsaunas u moran dal coronavirus. Persunas indecisas pon sa laschar cussegliar gratuitamain al lieu, durant che persunas prontas per la vaccinaziun survegnan tala senza preannunzia.