Navigaziun principala

Cuntegn da la pagina

Infurmaziuns dal traffic public

Il traffic public en il Grischun circulescha en general tenor l’urari regular.

Igl è da resguardar suandantas excepziuns:

  • Ad interim vegn sistì en l’entira Svizra la rait da notg dal traffic public. Las colliaziuns tardivas regularas, che segireschan las chadainas da transport da las davosas colliaziuns, n’èn betg pertutgadas da la mesira.
  • Las lingias da bus Tirano – Lugano e dal Palm Express (San Murezzan – Lugano) èn medemamain sistidas. Il Bernina-Express circulescha be tranter Cuira e Campocologno.

I vegn recumandà da consultar l’urari online da la VFF/SBB avant che viagiar cun il traffic public.

Traffic transcunfinal

Avant che far in viadi en in pajais vischin ston las prescripziuns d’entrada en il pajais, che pon era midar a curta vista, vegnir resguardadas. In viadi en il traffic public sur il cunfin è en general mo pussaivel per viagiaturas e viagiaturs senza fevra. Suandants elements supplementars ston vegnir resguardads:

  • Italia: In viadi en il traffic public sur il cunfin è mo pussaivel per viagiaturas e viagiaturs che na ston en l’Italia betg ir en quarantina. Quai èn en emprima lingia ils cunfinaris e las cunfinarias sco era ulteriuras gruppas da persunas cun in motiv urgent da viagiar e cun las permissiuns ed ils documents correspundents. Persunas, che ston ir en quarantina en l’Italia u che dastgan entrar en il pajais cun in PCR-test negativ, ston emplenir il formular  formular agiuntà eed al surdar persunalmain al post da duana da l’Italia. En consequenza na ston ils formulars betg vegnir suttascrits da las interpresas da transport dal Grischun.
  • Tirol dal Sid: Per viadis en il Tirol dal Sid ston ils viagiaturs avair cun els suandant formular. Tgi che viagia en il Tirol dal Sid, sto avair cun sai il suandant formular. Plinavant ston ins purtar ina protecziun correcta da la bucca e dal nas da la classa da protecziun FFP2 (senza ventil d'expiraziun).
  • Lumbardia: Per viadis en la Lumbardia ston la bucca ed il nas (cun mascrinas a diever unic u mascrinas da taila) esser cuverts ed ils viagiaturs ston purtar guants da protecziun. Quai vala per viagiaturs a partir da 6 onns. Ultra da quai ston ils viagiaturs avair cun els suandant formular.
  • Tirol: Per viadis en l’Austria sto la correcta protecziun da bucca e nas da la classa da protecziun FFP2 (senza ventil d’expirar) vegnir purtada. Quai vala per viagiaturs a partir da 6 onns. Ultra da quai ston ils viagiaturs emplenir il formular formular online (la confirmaziun via mail po vegnir mussada a moda digitala a la duana) u sinpalpiri. Passagiers da transit (p.ex. da/a Samignun) u gruppas da persunas cun ina disposiziun excepziunala dastgan viagiar senza in’annunzia d’entrada en il pajais.
  • Germania: En tut ils trens, bus e staziuns sto vegnir purtà ina mascrina medicinala a diever unic u mascrinas FFP2 (en Bavaria). Ultra da quai sto vegnir emplenì avant il passagi al cunfin ina (www.einreiseanmeldung.de) u la carta d’extrada agiuntada.
  • Return en il Grischun: Per returnar da la Lumbardia, dal Tirol dal Sid e dal Tirol cun purschidas dal traffic public transcunfinalas directas na ston vegnir prendidas naginas mesiras spezialas. Quai vala er per cunfinarias e cunfinaris. Tut l'ulteriura clientella sto emplenir in formular d'entrada. Ulteriuras infurmaziuns sa chattan sin l'illustraziun agiuntada. En cas da la partenza dal Tirol sto vegnir preschentà in test dal coronavirus negativ, che sto stringentamain esser vegnir fatg d'in post admess en il Tirol (apoteca u center da test).

Concept da protecziun

En il traffic public vala il suandant concept da protecziun. Ultra da quai ston tut ils viagiaturs a partir da 12 onns purtar ina mascrina en ils meds publics en Svizra. L’obligaziun da purtar ina mascrina vala medemamain a las staziuns (incl. perruns e sutpassadis), staziuns da pendicularas e fermadas da bus.

Nus As giavischain ina bun e segir viadi.