Navigation

Inhaltsbereich

Occurrenzas grondas / Tetg da protecziun

Tetg da protecziun per occurrenzas publicas

Per sustegnair la realisaziun dad occurrenzas publicas d’impurtanza interchantunala, ha il parlament introducì cun il nov art. 11a en la lescha da Covid-19 a chaschun da la sessiun da primavaira 2021 in «tetg da protecziun per occurrenzas publicas» per la branscha d’occurrenzas.
Organisaturs dad occurrenzas cun access public d’impurtanza interchantunala e dapli che 1000 persunas al di che èn planisadas tranter il 1. da matg ed ils 31 da december 2022, san dumandar sut tschertas circumstanzas ina participaziun als custs betg cuvrids, sche las occurrenzas vegnan annulladas, spustadas u restrenschidas considerablamain pervi da l’epidemia.
La procedura pretenda ina dumonda separada che sto vegnir inoltrada a l’uffizi per economia e turissem in mais avant la realisaziun planisada ed il pli tard ils 31 d’october 2022.

Dumondas davart il tetg da protecziun respunda l’uffizi per economia e turissem dal Grischun (UET) sut schutzschirm@awt.gr.ch u 081 257 23 72.
Sin basa dal svilup actualmain positiv ed era sin basa da las aspectativas d’in svilup positiv en il proxim futur da la situaziun epidemiologica, recumandain nus als organisaturs dad occurrenzas publicas, d’inoltrar la dumonda mo, sche quai è absolutamain necessari per la segirezza da planisaziun da l’occurrenza publicas.

Links