Flyer Reglas d’igiena al plaz da lavur
Instrucziuns da cumportament en chaussa coronavirus
Tar persunas saunas chaschuna l'infecziun cun il coronavirus per regla in decurs moderà da la malsogna. Persunas pli veglias e gruppas da ristga cun malsognas preexistentas u cun in sistem d'immunitad flaivel ston dentant vegnir protegidas spezialmain d'ina infecziun.
Neues Corona-Virus: Informationen in Leichter Sprache
Uschia ans protegin nus – Ina campagna dal UFSP
Tegnair distanza
Tegnai distanza dad autras persunas. Ina infecziun cun il nov coronavirus è pussaivla, sch'ins tegna durant dapli che 15 minutas damain che 2 meters distanza dad ina persuna infectada. Sche Vus tegnais distanza, protegis Vus Vossa atgna persuna sco er auters umans d'ina infecziun.
Lavar bain ils mauns
Lavar ils mauns è in punct decisiv en connex cun l'igiena. Sche Vus lavais e tgirais regularmain Voss mauns, pudais Vus As proteger.
Evitar da dar il maun
Tut tenor tge che nus avain gist tutgà en, n'èn noss mauns betg nets. Guttins infectus dal tusser e dal starnidar pon sa chattar sin ils mauns. Els cuntanschan la bucca, il nas u ils egls, sch'ins tutga en quels. Perquai èsi impurtant d'evitar da dar il maun.
Tusser e starnidar en in fazielet u en la foppa dal cumbel
Far giu il nas, starnidar, spidar, tusser: Uschia pudain nus transmetter virus, sche nus n'observain betg las reglas da cumportament.
Ussa: Restar a chasa
Restai ussa a chasa. Salvai vitas.
S'annunziar per telefon avant che ir tar il medi u a la staziun d'urgenza
Sche Vus avais mo sintoms levs sco fevra u tuss, na stuais Vus betg telefonar a Vossa media u a Voss medi. Las capacitads da las medias e dals medis sco er da las instituziuns da sanadad èn limitadas.
Sche Vus appartegnais a la gruppa da persunas spezialmain periclitadas u sche Voss sintoms da malsogna daventan pli ferms (fevra auta, difficultads da respirar u mancanza da flad): Telefonai ad ina media u ad in medi ubain ad ina instituziun da sanadad.
Recumandaziun: purtar mascra, sch’i n’è betg pussaivel da tegnair distanza
Persunas saunas na ston en il spazi public betg purtar ina mascra d’igiena. Nus recumandain dentant da purtar ina mascra d’igiena, sche Vus na pudais betg tegnair en la distanza da 1,5 meters tar autras persunas u sche Vus faschais diever d’in servetsch, nua ch’i n’è betg prescrit en il concept da protecziun da la branscha da purtar mascras. Persunas davent da 12 onns ston dapi glindesdi, ils 6 da fanadur 2020, purtar en trens, trams e bus sco era en pendicularas, funicularas u sin bastiments ina mascrina. Uschia utiliseschan ins ina mascra d’igiena:
Sche pussaivel lavurar vinavant davent da chasa
Lavurai sche pussaivel vinavant davent da chasa. Qua tras sa reduceschan ils contacts ed uschia era la derasaziun dal virus.
Sintoms
Immediatamain sa laschar testar e restar a chasa en cas da sintoms.
Retrofastisaziun
Sche pussaivel adina inditgar las datas da contact per la retrofastisaziun.
Faschai attenziun:
Tegnair distanza e lavar ils mauns èn las mesiras da protecziun las pli effizientas.
Dapli infurmaziuns e l'entira campagna
Campagna actuala d’infurmaziun davart corona da l’uffizi da sanadad
Flyer d’infurmaziun per gruppas periclitadas
Ulteriurs cuntegns da la campagna (bischfit.ch)
Check coronavirus dal UFSP
Avais Vus sintoms e n'essas betg segira u segir tge che Vus duessas far? Respundai tut las dumondas dal check uschè bain sco pussaivel. Lura survegnis Vus a la fin ina recumandaziun d'agir dal UFSP.
Check online dal UFSP
Autoisolaziun ed autoquarantina
Il coronavirus na duai betg vegnir derasà libramain. Per quest intent dovri atgna responsabladad: Autoisolaziun, sch'ins è malsaun – autoquarantina, sch'ins ha gì stretg contact cun ina persuna che aveva ina malsogna acuta da la via respiratorica e/u fevra, sentiment da fevra, mal ils musculs.
Dapli infurmaziuns sin la pagina dal UFSP
Attenziun d'engions en l'internet
Ils corps chantunals da polizia han constatà in augment da cyberfenomens che han in connex cun COVID-19. Persunas criminalas emprovan sistematicamain da nizzegiar las temas ed ils quitads da la populaziun per lur "fatschentas". NEDIK, la Rait da las autoritads da polizia per cumbatter la cybercriminalitad, e MELANI, la Centrala d'annunzia e d'analisa per la segirezza da l'infurmaziun da la Confederaziun, averteschan en quest connex da questas furmas da cybercriminalitad.
Dapli infurmaziuns davart engions en l'internet
Chaussas generalas
Malsogna COVID-19, sintoms e tractament, origin dal nov coronavirus
Auch psychisch gesund bleiben: Plattform für psychische Gesundheit
Recumandaziuns per viagiaturas e viagiaturs
Flyer d'infurmaziun – èsi permess da midar chasa?
Infurmaziuns per possessuras e possessurs d'animals
Pront per homeoffice