Mez zercladur ha gì lieu a Cuira il 1. inscunter grischun da colliaziun per moderaturas e moderaturs da cafés narrativs. Questa occurrenza è stada ina plattafurma preziusa per cundivider experientschas sco er per barattar anecdotas. Las moderaturas ed ils moderaturs, che han participà a l'occurrenza, han enritgì la saira cun lur perspectivas multifaras ed han contribuì decisivamain al success da l'occurrenza. Nus ans legrain gia ussa dal proxim inscunter!

La scolaziun per moderar cafés narrativs sco er l'organisaziun d'occurrenzas da colliaziun è in project cuminaivel dal Post spezialisà per la promoziun da la sanadad dal Grischun, da la Baselgia evangelica refurmada dal Grischun e da benevol Grischun. La purschida ha l'intent da rinforzar la coesiun sociala e da promover il barat tranter las persunas.

Durant cafés narrativs moderads sa barattan persunas davart lur istorgias da vita e davart lur experientschas. Quests inscunters dattan la pussaivladad da raquintar da la vita, da tadlar in l'auter e da rir cuminaivlamain. La participaziun ad in café narrativ n'è betg mo in eveniment spezialmain inspirant, mabain er ina purschida nunbirocratica cunter la solitariadad.

Ulteriuras infurmaziuns ...