Ils 30 da settember 2025 èn 13 persunas spezialisadas che mainan in post da contact e da coordinaziun per la vegliadetgna en lur vischnancas, sa scuntradas ad in barat organisà dal Post spezialisà per la promoziun da la sanadad. Ils posts communals èn centrals per sustegnair persunas pli veglias en lur independenza e per promover la sanadad e la participaziun a la vita sociala.

En il focus èn stadas soluziuns praticas per la communicaziun e per la coordinaziun da purschidas, per ina meglra cuntanschibladad da las gruppas en mira sco er per projects che collian las generaziuns. La CCS dal Grischun e la Pro Senectute dal Grischun èn medemamain stadas al lieu, han discutà cun ed han preschentà lur purschidas per las vischnancas.

L'occurrenza ha rinforzà la collavuraziun tranter las acturas ed ils acturs ed ha dà impuls prezius per meglierar vinavant la qualitad da viver da las persunas pli veglias en las vischnancas. Il Post spezialisà per la promoziun da la sanadad vegn a tractar ils resultats ed a promover vinavant la colliaziun tranter ils posts da consultaziun.