La sanadad psichica è d'impurtanza centrala per il svilup da las persunas giuvnas – en spezial en la fasa da midada da la scola en la professiun resp. en il studi. En temps che las grevezzas tras la scola, tras las medias socialas e tras las sfidas persunalas creschan, èsi impurtant da sensibilisar a temp las persunas giuvnas per l'impurtanza dal bainstar psichic e da la tgira da sasez e da las preschentar purschidas da sustegn. En il rom dal program chantunal d'acziun per uffants, giuvenils e persunas giuvnas creschidas eruescha il Post spezialisà per la promoziun da la sanadad cun in'enquista online, tge sustegn ch'i dovra per rinforzar la sanadad psichica dals giuvenils en las scolas medias e professiunalas grischunas.

L'enquista sa drizza a las persunas d'instrucziun da classa dal stgalim secundar II en il Grischun. Ils resultats servan sco basa per sviluppar u per realisar purschidas adattadas per las scolas.