Il curs da scolaziun da 3 dis davart l'organisaziun e la moderaziun da cafés narrativs è vegnì concludì cun success. 15 participantas e participants han survegnì lur certificat ed èn ussa abels da manar agens cafès narrativs.

Quests formats promovan il barat e rinforzan la coesiun sociala en noss chantun. La scolaziun ha intermedià metodas praticas per moderar, manar gruppas e manar discurs. Las novas moderaturas ed ils novs moderaturs han ina buna basa ed enritgeschan uschia la purschida.

Ils curs vegnan organisads en collavuraziun cun il Post spezialisà per la promoziun da la sanadad, la Baselgia evangelica refurmada dal Grischun e benevol Grischun.

Persunas interessadas che vulan organisar sezzas in café narrativ, chattan ulteriuras infurmaziuns sut: Café narrativ - Raquintar l'atgna istorgia da vita e barattar experientschas