Ils 11 da zercladur 2026 èn sa scuntradas 14 persunas spezialisadas engaschadas che – en las vischnancas respectivas – s'occuppan d'in post da contact e da coordinaziun per la vegliadetgna u èn activas en la lavur communala cun persunas pli veglias. L'occurrenza, organisada dal Post spezialisà per la promoziun da la sanadad, ha purschì ina plattafurma preziusa per barattar experientschas e per sa colliar in cun l'auter e cun organisaziuns spezialisadas.

In punct culminant spezial è stà la preschentaziun d'in project “Terza età” da la vischnanca da Bregaglia, che ha servì sco exempel da «best-practice» per iniziativas localas reussidas. Plinavant èn vegnids preschentads la purschida d'in discurs al telefon malreden.ch sco er il post da cussegliaziun Ponte da la CCS Grischun – duas purschidas impurtantas che sustegnan persunas pli veglias en lur mintgadi.

L'occurrenza ha suttastritgà l'impurtanza da la collavuraziun e dal barat da savida per meglierar la qualitad da vita en la vegliadetgna. Las participantas ed ils participants èn stads intgantads da las metodas multifaras e da la pussaivladad d'emprender da las experientschas d'autras vischnancas.

Ulteriuras infurmaziuns e purschidas per la promoziun da la sanadad en la vegliadetgna chattais Vus sut: Sectur specific Vegliadetgna