Ils 8 d'october èn moderaturas e moderaturs da cafés narrativs sa scuntrads a Cuira per il 3. Inscunter da colliaziun grischun. L'occurrenza è stada ina plattafurma preziusa per sa barattar davart experientschas ed eveniments sco er per raquintar anecdotas da la pratica. Las perspectivas multifaras da las participantas e dals participants han enritgì la saira e fatg ord l'occurrenza in eveniment spezial.

In project cuminaivel per dapli coesiun

La scolaziun per moderar cafés narrativs sco er l'organisaziun d'occurrenzas da colliaziun èn in project cuminaivel dals suandants gremis:

• Post spezialisà per la promoziun da la sanadad dal Grischun
• Baselgia evangelica refurmada dal Grischun
• Baselgia catolica dal Grischun
• benevol Grischun

La purschida ha la finamira da rinforzar la coesiun sociala e da promover il barat tranter persunas da tut las generaziuns.

Tge èn cafés narrativs?

En cafés narrativs moderads s'inscuntran persunas per sa barattar davart lur istorgias da vita e lur experientschas. Quests inscunters porschan spazi per:

• raquintar in a l'auter da la vita
• tadlar attentamain in l'auter
• rir e reflectar da cuminanza

La participaziun è nunbirocratica e porscha betg mo muments inspirants, mabain gida er cunter la solitariadad. Ina purschida che collia!

Infurmaziuns e curs chattais Vus sut: Café narrativ