Emprima cussegliaziun gratuita per vischnancas e scolas

Il Post spezialisà per la promoziun da la sanadad sustegna las vischnancas e las scolas dad optimar u da renovar plazzas publicas da giugar e da pausa. En in'emprima cussegliaziun gratuita tras persunas spezialisadas vegnan eruids il basegn d'agir ed il potenzial concepziunal per realisar en moda effizienta las decisiuns politicas e la planisaziun. Resguardads vegnan elements natirals che collian las generaziuns. In concept da furmaziun cun ina stimaziun dals custs resumescha ils resultats e gida a prender decisiuns futuras. Il post spezialisà coordinescha ils contacts e surpiglia cumplainamain ils custs.

Gruppa/s en mira

Vischnancas, scolinas e scolas

Finamiras dal project

Mussar il potenzial da la plazza da giugar.

Resguardar elements natirals ed elements che collian las generaziuns.

Far recumandaziuns e propostas concernent l'ulteriur proceder.

Cuntegns da la purschida

• Discurs d'infurmaziun cun ina persuna spezialisada da la planisaziun dal territori
• Inspecziun al lieu e recepziun da las cundiziuns generalas
• Recumandaziuns e propostas concernent l'ulteriur proceder
• Retschavida d'in concept da furmaziun cun ina stimaziun dals custs per discutar il basegn d'agir sin plaun politic

Cundiziuns generalas

• Motivaziun e prontezza da stgaffir ina plazza da giugar natirala che promova il moviment
• Il spazi d'agir sto esser accessibel a la publicitad