Vias da peduns e lieus da scuntrada attractivs

Ina concepziun attractiva da vias e spazis cunfinants motivescha la glieud da sa mover dapli a pe u cun il velo en il mintgadi. Mobilitad da peduns Svizra moderescha las inspecziuns da vitgs u da quartiers per identifitgar ils puncts debels e las qualitads dals quartiers e per meglierar uschia la qualitad da dimora. Ils purtaders da decisiuns survegnan invistas preziusas dals basegns da las differentas gruppas da la populaziun areguard la rait da vias, las plazzas da seser, la segirezza u las purschidas da sumbriva. Il barat direct al lieu è fitg impurtant, perquai ch'ina concepziun optimada dals conturns d'abitar augmenta cumprovadamain la qualitad da viver e promova il moviment quotidian.

Gruppa/s en mira

Vischnancas ed entira populaziun

Finamiras dal project

Identifitgar puncts debels en l'infrastructura existenta dal quartier, en spezial areguard l'access senza barrieras, la segirezza ed il basegn da mantegniment.

Eruir las pretensiuns ed ils giavischs da las abitantas e dals abitants dal quartier areguard la rait da vias, la qualitad da dimora, las plazzas da seser, ils indrizs sanitars e la purschida da sumbriva.

Formular acziuns concretas per meglierar l'infrastructura e la qualitad da dimora sin basa da las enconuschientschas obtegnidas.

Cuntegns da la purschida

• Discurs preliminar, occurrenzas inizialas cun lavuratori per eruir la situaziun da partenza, inspecziun sistematica dal lieu sin basa da la situaziun da partenza eruida
• Rapport final da las enconuschientschas obtegnidas cun recumandaziuns e propostas per l'ulteriur proceder
• Sustegn finanzial da maximalmain 5000 francs tras il Post spezialisà per la promoziun da la sanadad

Cundiziuns generalas

• Mobilitad da peduns Svizra fa in'offerta cun in import maximal
• La vischnanca nominescha ina gruppa da project
• Collavuraziun activa tar il process da cussegliaziun

Contact

Sche Vus avais dumondas davart la finanziaziun, contactai

Romana Keller
Manadra da project Promoziun da la sanadad en spazis per sa mover
081 257 64 05
romana.keller@san.gr.ch

Sche Vus avais dumondas davart la realisaziun d'ina inspecziun da quartiers, As drizzai a

Mobilitad da peduns Svizra
043 488 40 30
info@fussverkehr.ch