Optimaziun da las pussaivladads da seser

Persunas spezialisadas da Mobilitad da peduns Svizra analiseschan en ina inventarisaziun sistematica las pussaivladads da seser en la vischnanca ed erueschan ils basegns da la populaziun. En in rapport final vegnan resumadas propostas per cumplettar la rait da bancs da seser. Ils resultats da quest process pon esser divers. Ina vischnanca po per exempel optimar las pussaivladads da seser, sch'ella resguarda l'illuminaziun, la protecziun cunter l'aura u la sumbriva.

Gruppa/s en mira

Vischnancas

Finamiras dal project

L'utilisaziun e l'attractivitad dals bancs da seser en la vischnanca vegnan meglieradas sin basa d'ina inventarisaziun sistematica.

Ils basegns da la populaziun en la vischnanca vegnan registrads ed ademplids.

I vegnan stgaffids lieus da scuntrada ed i vegn promovì dad ir a pe.

La segirezza, cunzunt per persunas pli veglias, vegn augmentada.

Cuntegns da la purschida

• Ina documentaziun fotografica da tut las pussaivladads da seser en il territori d'abitadi, inclusiv las pussaivladads da seser informalas, sco mirs u stgalims per seser, sco er ina registraziun d'ulteriurs parameters vegnan fatgas sin giavisch da la vischnanca
• Tschertga da lieus, nua che pussaivladads da seser mancan, ma fissan giavischadas, p.ex. sper fatschentas, fermadas dal traffic public e zonas da recreaziun
• Rapport final cun survista davart ils bancs da seser, propostas per cumplettar la rait da bancs da seser e geodatas per la preschentaziun en il SIG (opziunalmain)
• Sustegn finanzial da maximalmain 5000 francs tras il Post spezialisà per la promoziun da la sanadad

Cundiziuns generalas

• Mobilitad da peduns Svizra fa in'offerta cun in import maximal
• La vischnanca nominescha ina gruppa da project
• Collavuraziun activa en il process da cussegliaziun
• Realisaziun autonoma da las recumandaziuns suenter la terminaziun dal concept da bancs da seser
• Tgira e mantegniment dal concept da bancs da seser a lunga vista

Contact

Sche Vus avais dumondas davart la finanziaziun, contactai

Romana Keller
Manadra da project Promoziun da la sanadad en spazis per sa mover
081 257 64 05
romana.keller@san.gr.ch

Sche Vus avais dumondas davart la realisaziun d'in concept per bancs da seser, As drizzai a

Fussverkehr Schweiz
043 488 40 30
info@fussverkehr.ch