Navigation

Inhaltsbereich

Il nov program "Prevenziun dal cancer da la beglia Grischun" è en funcziun dapi il 1. d'october 2020. La Lia grischuna cunter il cancer realisescha il program da prevenziun per incumbensa da l'Uffizi da sanadad dal Grischun.

Grazia a controllas preventivas po cancer da la beglia vegnir impedì effectivamain. Sche cancer da la beglia è gia avant maun e vegn diagnostitgà a temp, èn las schanzas da guariziun grondas. La ristga da survegnir cancer da la beglia crescha a partir dal 50avel onn da vita. Il program da prevenziun sa drizza perquai a la populaziun dal Grischun tranter 50 e 69 onns. Per la controlla preventiva datti duas metodas fidadas: Il test davart sang en il passacorp (FIT), che vegn repetì mintga 2 onns e la coloscopia che vegn repetida mintga 10 onns.

Ulteriuras infurmaziuns: www.vorsorge-gr.ch