Navigaziun principala

Cuntegn da la pagina

Infurmaziuns generalas en connex cun la reducziun da las premias

La suandantas gruppas da persunas han da princip il dretg d’ina reducziun da las premias, sch’ellas vivan en relaziuns finanzialas mudestas ed han fatg in’ assicuranza fundamentala per la tgira da malsauns (LAM):

  • persunas cun domicil en il chantun Grischun;
  • persunas cun ina permissiun da dimora L u B en il chantun Grischun ch’è valaivla almain trais mais;
  • confamigliaras e confamigliars da dimorantas temporaras e dimorants temporars, da dimorantas e dimorants e da domiciliadas e domiciliads en il chantun Grischun ch’èn obligads da s’assicurar ed han in domicil en in stadi da la UE/AECL;
  • retschavidras e retschaviders d’ina prestaziun da l’assicuranza svizra cunter la dischoccupaziun cun domicil en in stadi da la UE/AECL sco er lur confamigliars obligads da s’assicurar;
  • cunfinarias e cunfinaris cun lieu da gudogn en il chantun Grischun sco er lur confamigliaras e confamigliars obligads da s’assicurar.

La realisaziun da la reducziun da las premias è vegnida surdada a l'institut d'assicuranza sociala dal chantun Grischun (IAS). Las infurmaziuns las pli impurtantas, la basa legala, l'infurmaziun accumpagnanta ed il formular da dumonda chattais Vus sin la pagina d'internet www.sva.gr.ch.