Navigaziun principala

Cuntegn da la pagina

«insieme sano – ensemen sauns»

In project transcunfinal da la partiziun per la promoziun da la sanadad e per la prevenziun da l'uffizi da sanadad dal Grischun e da la fundaziun Vital da la provinza da Bulsaun.

Mantegnair e promover la qualitad da viver e la sanadad da la populaziun en il spazi da viver vischin è la finamira da quest project transcunfinal. En il center stat en quest connex la cooperaziun da la populaziun da las vischnancas.

Tschintg vischnancas da piunier dal Tirol dal sid e tschintg dal Grischun (Trimmis, Domat, Samedan, Sur e Rossa) han cumenzà l'onn 2009 cun il project "insieme sano". Responsabels per il project cuminaivel da vart dal Tirol dal sid è la partiziun per famiglia e fatgs socials, da vart dal Grischun il departament da giustia, segirezza e sanadad. Decisivas per la lavur èn la cunresponsabladad da las autoritads communalas, la participaziun da la populaziun e da las persunas spezialisadas per quellas persunas che vulan vegnir pledentadas dal project "insieme sano".

En il chantun Grischun èn quai las senioras ed ils seniors da ~ 60 fin 90+ onns. Resultada è ina vasta paletta da mesiras da sustegn individualas e structuralas per concepir meglier il mintgadi, la vita sociala ed il temp liber sco er per la sanadad fisica e psichica da las persunas attempadas en il spazi da viver "vischnanca".

En ina communitad activa e sauna survegnan las senioras ed ils seniors la pussaivladad d'exprimer lur basegns, da cundecider e da gidar a concepir en moda activa lur spazi da viver. Uschia resulta in barat permanent che collia quai ch'è sa cumprovà cun il nov e che lascha restar activa la communitad cun l'intenziun da mantegnair u d'augmentar la qualitad da viver al lieu da domicil.
Gist questa finamira ha il project "insieme sano – ensemen sauns" da vart dal Grischun.


Projects parzials en las vischnancas:

Domat Ems

Trimmis

Sur

Rossa

Samedan

Film vegl e cuntent – alt und zufrieden
vegl e cuntent - alt und zufrieden

Mussavia communal, tudestg
Mussavia communal, talian

Wie weiter mit dem Projekt „insieme sano – gemeinsam gesund"
Interessierte Gemeinden, Regionen und Seniorinnen und Senioren, welche bei
„insieme sano – gemeinsam gesund" mitmachen wollen, können sich ab sofort bei uns anmelden.